India Vs Afghanistan 1st Test Day 1Live Update: भारत आणि अफगाणिस्तान यांच्यातील एकमेव कसोटीच्या पहिल्या दिवशी भारताने नाणेफेक जिंकून मोठी धावसंख्या उभारण्याच्या दिशेने कूच केली आहे. सलामीवीर केएल राहुलने शतकी खेळी केली तर साई सुदर्शनने देखील ८१ धावांचे योगदान दिले. त्यानंतर संघाचा कर्णधार शुभमन गिलने देखील अफगाणिस्तानला शतकी तडाखा देत भारताला ३५० च्या पार पोहचवलं. आपल्या खराब फॉर्ममुळं उपकर्णधारपद गमवावं लागलेल्या पंतने देखील अर्धशतकी खेळी केली. दिवसाचा खेळ थांबला त्यावेळी भारताने ८५ षटकात ३ बाद ३६८ धावा केल्या होत्या. शुभमन गिल १०३ धावा करून तर पंत ५० धावा करून नाबाद राहिले.
अफगाणिस्तानविरूद्धच्या एकमेव कसोटीच्या पहिल्या दिवशी भारतानं खेळ थांबला त्यावेळी ३ बाद ३६८ धावा केल्या होत्या. त्यात कर्णधार शुभमन गिल १०३ तर ऋषभ पंत ५० धावा करून नाबाद होता.
केएल राहुल पाठोपाठ कर्णधार शुभमन गिलने देखील अफगाणिस्तानला शतकी तडाखा दिला. त्याने १३८ चेंडूत शतक ठोकून भारताला ३५० धावांचा टप्पा गाठून दिला. ऋषभ पंत देखील आपल्या अर्धशतकाच्या उंरठ्यावर आहे.
केएल राहुल शतक करून बाद झाल्यानंतर कर्णधार शुभमन गिलने डावाची सूत्रे आपल्या हातात घेतली असून त्याने अर्धशतक ठोकत भारताला ३०० धावांच्या जवळ पोहचवलं आहे.
साई सुदर्शन ८१ धावांवर बाद झाल्यानंतर केएल राहुल आणि शुभमन गिल यांनी भारताचा डाव पुढे नेला. राहुल ८८ धावा करून नाबाद आहे तर गिल ३४ धावांवर खेळत आहे.
केएल राहुल आणि सुदर्शन यांनी नाबाद ११२ धावांची भागीदारी रचत भारताला ३८ षटकात १६३ धावांपर्यंत मजल मारून दिली आहे. राहुल ६५ तर साई सुदर्शन ७२ धावांवर नाबाद आहेत.
यशस्वी जैस्वाल बाद झाल्यानंतर केएल राहुल आणि साई सुदर्शन यांनी धावांची गती वाढवत २५ षटकात ९६ धावांपर्यंत मजल मारून दिली. साई ३२ तर राहुल ३७ धावांवर खेळत आहे.
भारताचा चांगली सुरूवात करून देण्याच्या प्रयत्नात असलेला यशस्वी जैस्वाल २४ धावा करून बाद झाला आहे. त्याने आपल्या या खेळीत ५ चौकार मारले. मात्र सलीम सफीने त्याची शिकार केली.
भारताने सावध सुरूवात केली आहे. यशस्वी जैस्वालने १६ चेंडूत ११ धावा केल्या आहेत तर केएल राहुलने एक बाजू लावून धरत ११ चेंडूत ४ धावांचे योगदान दिलं आहे.
शुभमन गिलने नाणेफेक जिंकून प्रथम फलंदाजी करण्याचा निर्णय घेतला आहे. प्लेईंग ११ मध्ये मानव सुथारला खेळण्याची संधी मिळाली आहे. तो आपले कसोटी पदार्पण करणार आहे.
या मैदानावरचा हा पहिलाच आंतरराष्ट्रीय कसोटी सामना होत आहे. काही आयपीएल प्ले ऑफ सामना इथं झाले आहेत. खेळपट्टीबाबत बोलायचं झालं तर खेळपट्टी ही हिरवी आहे. जसजसा सामना पुढे सरकेल तसतसे खेळपट्टी अजूनच कोरडी होत जाईल. ऊन पाहता सामन्यात दोन ते तीन दिवसांनी फिरकीपटूंना साथ मिळू शकते. चंदीगडचे तापमान हे साधारणपणे ३० ते ४० डिग्री सेल्सियस दरम्यान राहण्याचा अंदाज आहे.
केएल राहुल, यशस्वी जैस्वाल, साई सुदर्शन, शुभमन गिल (कर्णधार) , ऋषभ पंत, वॉशिंग्टन सुंदर, नितीश रेड्डी, हर्ष दुबे/मानव सुतार, कुलदीप यादव, मोहम्मद सिराज, प्रसिद्ध कृष्णा
