महिला एकदिवसीय विश्वचषक सामन्यात दीप्ती शर्मा आणि अमनजोत कौर यांच्या अर्धशतकांच्या जोरावर भारताने श्रीलंकेसमोर २७० धावांचे लक्ष्य ठेवले. श्रीलंकेने टॉस जिंकून प्रथम गोलंदाजी करण्याचा निर्णय घेतला. भारताने ४७ षटकांत ८ बाद २६९ धावा केल्या. पावसामुळे सामना वारंवार व्यत्यय आला, ज्यामुळे तीन षटके कमी करण्यात आली आहेत. आता हा सामना ४७ षटकांचा होणार आहे. भारताकडून अमनजोतने सर्वाधिक ५७ धावा केल्या, तर दीप्तीने ५३ धावा केल्या.
पावसामुळे सामन्यात वारंवार व्यत्यय आला, ज्यामुळे षटकांमध्ये कपात करण्यात आली आणि प्रत्येकी ४७ षटकांचा खेळ करण्याचा निर्णय घेण्यात आला. भारताकडून अमनजोतने सर्वाधिक ५७ धावा केल्या, तर दीप्तीने ५३ धावा केल्या.
प्रथम फलंदाजी करणाऱ्या भारतीय संघाची सुरुवात खराब झाली. स्मृती मानधना लवकर बाद झाली. प्रतिका रावलने हरलीन देओलसह डाव सावरला. पण प्रतिका बाद झाल्यानंतर भारताने नियमित अंतराने विकेट गमावल्या, ज्यामुळे संघाची धावसंख्या सहा बाद १२४ अशी झाली. त्यानंतर दीप्ती आणि अमनजोत यांनी जबाबदारी स्वीकारली आणि सातव्या विकेटसाठी शतकी भागीदारी केली. याच्या जोरावरच भारतीय संघ श्रीलंकेसमोर आव्हानात्मक लक्ष्य ठेवण्यात यशस्वी झाला.
भारताकडून अमनजोत आणि दीप्ती व्यतिरिक्त हरलीनने ४८, कर्णधार हरमनप्रीत कौरने २१, मानधनाने ८ आणि रिचा घोषने २ धावा केल्या, तर स्नेह राणा १५ चेंडूत दोन चौकार आणि दोन षटकारांसह २८ धावा करत नाबाद राहिली. श्रीलंकेकडून इनोका रणवीराने चार, तर उदेशिका प्रबोधनीने दोन बळी घेतले. चामारी अटापट्टू आणि अचिनी कुलसुरियाने प्रत्येकी एक बळी घेतला.
दीप्ती शर्माने श्रीलंकेविरुद्ध अर्धशतक झळकावले. भारताने २५० धावांचा टप्पा ओलांडला.
भारतीय महिला संघाला अमनजोत कौरच्या रूपात सातवा धक्का बसला. अमनजोत कौर ५६ चेंडूत पाच चौकार आणि एका षटकारासह ५७ धावा काढून बाद झाली. यामुळे अमनजोत आणि दीप्ती यांच्यातील सातव्या विकेटसाठी १०३ धावांची भागीदारी संपुष्टात आली.
अमनजोत कौर आणि दीप्ती शर्मा यांनी सातव्या विकेटसाठी शतकी भागीदारी पूर्ण केली आहे. भारतीय महिला संघानेही २०० च्या पुढे धावसंख्या ओलांडली आहे, श्रीलंकेविरुद्ध सहा बाद २२६ अशी मजल मारली आहे.
भारत आणि श्रीलंका यांच्यातील सामना पुन्हा सुरू झाला आहे, परंतु पुन्हा एकदा षटकांची संख्या कमी करण्यात आली आहेत. आता हा सामना प्रत्येकी ४७ षटकांचा खेळवला जाईल.
भारत आणि श्रीलंका यांच्यातील महिला एकदिवसीय विश्वचषकातील पहिला सामना पावसामुळे पुन्हा थांबविण्यात आला आहे. भारताने 40 षटकांत सहा गडी बाद 210 धावा केल्या आहेत. भारताची फलंदाजी डळमळीत झाली, परंतु अमनजोत कौर आणि दीप्ती शर्मा यांनी सातव्या विकेटसाठी 86 धावा जोडून संघाला सावरले. या काळात अमनजोतने तिचे अर्धशतकही पूर्ण केले. यापूर्वी पावसामुळे सामने थांबवण्यात आले होते आणि षटकांचे प्रमाण कमी करण्यात आले होते.
दीप्ती आणि अमनजोत यांनी भारतीय डाव सावरला. दोन्ही फलंदाजांनी सावध खेळ केला आणि संघाला ३७ व्या षटकांत ६ बाद १९१ धावांपर्यंत पोहोचवले.
श्रीलंकेविरुद्धच्या महिला विश्वचषकाच्या पहिल्या सामन्यात भारताचा डाव गडगडला. भारताने 124 धावांत सहा विकेट गमावल्या. चामारी अटापट्टूने रिचा घोषला बाद करून भारताला सहावा धक्का दिला. रिचा सहा चेंडूत दोन धावा काढून बाद झाली. भारताने चार धावांत चार विकेट गमावल्या आणि संघ अडचणीत सापडला.
इनोका रणवीराने भारतीय संघाला एकाच षटकात तीन धक्के दिले. भारताच्या डावातील 26 वे षटक टाकण्यासाठी आलेल्या रणवीराने प्रथम हरलीनला बाद केले आणि नंतर पुढच्याच चेंडूवर जेमिमाहला बाद केले. रणवीराला हॅटट्रिक पूर्ण करता आली नाही, परंतु फक्त दोन चेंडूंनंतर तिने भारतीय कर्णधार हरमनप्रीत कौरला बाद केले. हरमनप्रीत 19 चेंडूत 21 धावा करून बाद झाली, ज्यामध्ये दोन चौकारांचा समावेश होता.
इनोका रणवीराने भारताला सलग दोन चेंडूंवर झटके दिले. तिने प्रथम हरलीन देओलला कविष्का दिलहारीकडे झेलबाद केले आणि नंतर पुढच्याच चेंडूवर जेमिमा रॉड्रिग्जला बाद केले. जेमिमाहला एकही धाव करता आली नाही. भारताने 121 धावांत चार विकेट गमावल्या. रणवीराला मात्र हॅटट्रिक पूर्ण करता आली नाही.
इनोका रणवीराने हरलीन देओलची विकेट घेतली. रणवीराचे हे दुसरे यश आहे. यापूर्वी, तिने प्रतिका रावलाला माघारी धाडले. रणवीराने ७२.१ किमी/तास वेगाने धीम्या गतीने चेंडू फेकला. ज्यावर हरलीन फसली आणि कव्हर क्षेत्रात उभी असलेल्या दिलहारीच्या हाती एक सोपा झेल देऊन बाद झाली. हरलीन देओलने ६ चौकारांसह ४८ (६४ चेंडू) धावा केल्या.
भारताने 22 षटकांत 2 बाद 93 धावा केल्या. हरलीन देओल 34 धावांसह आणि हरमनप्रीत कौर 10 धावांसह खेळत आहेत.
प्रतिका रावलच्या रूपाने भारतीय संघाला दुसरा धक्का बसला आहे. प्रतिका आणि हरलीनमध्ये मजबूत भागीदारी होत होती. प्रतिका 59 चेंडूत 37 धावा काढून बाद झाली, ज्यामध्ये तीन चौकार आणि एक षटकाराचा समावेश होता.
स्मृती मानधना बाद झाल्यानंतर, प्रतिका आणि हरलीन यांनी संघाची सूत्रे हाती घेतली आणि या दोन्ही फलंदाजांनी दुसऱ्या विकेटसाठी अर्धशतकी भागीदारी पूर्ण केली.
भारतीय महिला संघाने श्रीलंकेविरुद्ध 1 गडी गमावून 50 धावा केल्या. मानधना लवकर बाद झाल्यानंतर, प्रतिका आणि हरलीनमध्ये दुसऱ्या विकेटसाठी भागीदारी बहरत आहे.
भारत आणि श्रीलंका यांच्यातील महिला विश्वचषक सामना पाऊस थांबल्यानंतर पुन्हा सुरू झाला. भारताकडून प्रतिका रावल आणि हरलीन देओल क्रीजवर आहेत. हा सामना पावसामुळे 48-48 षटकांचा खेळवला जात आहे.
भारत आणि श्रीलंका यांच्यातील महिला एकदिवसीय विश्वचषक सामना पावसामुळे थांबवण्यात आला. खेळ थांबला तेव्हा भारताने 10 षटकांत 1 बाद 43 धावा केल्या होत्या. प्रतिका रावल (18) आणि हरलीन देओल (15) क्रीजवर होत्या. भारताने स्मृती मानधनाची विकेट लवकर गमावली, जी आठ धावांवर बाद झाली.
पहिली विकेट गमावल्यानंतर हरलीन देओल आणि प्रतीका रावल यांनी आतापर्यंत सावध फलंदाजी केली.
स्मृती मानधनाची विकेट पडल्यानंतर, हरलीन देओलने चांगली सुरुवात केली. ज्या षटकात भारताला पहिला धक्का बसला त्याच षटकात हरलीनने चौकार मारला. त्यानंतर तिने पुढच्या षटकात विकेट घेणाऱ्या प्रबोधिनीच्या गोलंदाजीवर आणखी एक चौकार मारण्यासाठी शानदार कव्हर ड्राइव्ह केला. सहा षटकांनंतर भारताची धावसंख्या 1 बाद 24 होती.
भारतीय संघाला पहिला धक्का स्मृती मानधनाच्या रूपात बसला, ती उदेशिका प्रबोधनीच्या गोलंदाजीवर विश्मी गुणरत्नेने झेलबाद झाली. मानधनाने 10 चेंडूत 2 चौकारांसह 8 धावा केल्या. चार षटकांनंतर भारताची एक बाद 18 होती.
भारतीय महिला संघाने फलंदाजीला सुरुवात केली. स्मृती मानधनाने प्रतिका रावलसोबत डावाची सुरुवात केली. महिला वनडे विश्वचषकाच्या पहिल्या सामन्यात श्रीलंकेने टॉस जिंकून प्रथम गोलंदाजी करण्याचा निर्णय घेतला.
भारत : प्रतिका रावल, स्मृती मानधना, हरलीन देओल, हरमनप्रीत कौर (कर्णधार), जेमिमाह रॉड्रिग्स, रिचा घोष (यष्टीरक्षक), दीप्ती शर्मा, अमनजोत कौर, स्नेह राणा, क्रांती गौड, श्री चरणी.
श्रीलंका : चमारी अटापट्टू (कर्णधार), हसिनी परेरा, हर्षिता समरविक्रमा, विश्मी गुणरत्ने, कविशा दिलहरी, नीलाक्षी डी सिल्वा, अनुष्का संजीवनी (यष्टीरक्षक), अचीनी कुलसूरिया, सुगंधिका कुमारी, उदेशिका प्रबोधनी, इनोका रानावेरा.
महिला वनडे विश्वचषक 2025 च्या पहिल्या सामन्यात आज श्रीलंकेचा सामना भारताशी होत आहे. श्रीलंकेची कर्णधार अटापट्टूने टॉस जिंकून प्रथम गोलंदाजी करण्याचा निर्णय घेतला. भारतीय संघाने तीन फिरकीपटू आणि दोन वेगवान गोलंदाजांना मैदानात उतरवले.
महिला वनडे विश्वचषक आज, (दि. 30)पासून भारत आणि श्रीलंका यांच्यातील सामन्याने सुरू होत आहे. भारतीय संघ फॉर्ममध्ये आहे. त्यामुळे असलेल्या भारतीय संघाचे लक्ष्य घरच्या मैदानावर खेळण्याचा फायदा उठवणे आणि 47 वर्षांत आपले पहिले आयसीसी जेतेपद जिंकणे हे असेल.
