Brij Bhushan Sharan Singh Acquits: महिला कुस्तीपटू लैंगिक शोषण प्रकरणात एक मोठी अपडेट आली असून दिल्लीच्या राऊस एव्हेन्यू कोर्टाने भाजपचे माजी खासदार आणि भारतीय कुस्ती फेडरेशनचे माजी अध्यक्ष ब्रिज भूषण शरण सिंह यांची निर्दोष मुक्तता केली आहे.
दिल्ली कोर्टाचा निकाल आल्यावर माजी खासदार ब्रिज भूषण शरण सिंह यांनी माध्यमांशी बोलताना प्रतिक्रिया दिली. त्यांनी मी योग्य होतो हे सिद्ध झालं आहे असं सांगितलं. ते म्हणाले की, 'माझे वक्तव्य खरं ठरलं आहे. मला विरोध करण्याऱ्या व्यक्तींबाबत काही माहिती नाही.. मी म्हणालो होतो की जर मी दोषी असेन तर मला फासावर लटकवा. बाकी आज आनंदाचा दिवस आहे.'
भारतीय कुस्ती फेडरेशनचे माजी अध्यक्ष आणि माजी खासदार बृजभूषण शरण सिंह यांच्याविरूद्ध लैंगिक शोषणाचे आरोप प्रकरण जवळपास साडे तीन वर्षे चालले. त्यानंतर ३ ऑगस्ट २०२६ मध्ये न्यायालयाने आपला निर्णय दिला आहे. या प्रकरणाची सुरूवात जानेवारी २०२३ मध्ये सुरू झाली होती.
१८ जानेवारी रोजी जंतर मंतरवर भारताच्या नावाजलेल्या आंतरराष्ट्रीय कुस्तीपटूंनी आंदोलन सुरू केलं होतं. १९ जानेवारी रोजी बबीता फोगाटने आंदोलन करणाऱ्या कुस्तीपटूंची भेट घेऊन सरकारशी चर्चा करण्याचे आश्वासन दिलं होतं. त्याच दिवशी माजी क्रीडा मंत्री अनुराग ठाकूर यांनी देखील बेट घेतली होती. २० जानेवारी रोजी विनेश फोगाटने भारतीय ऑलिंम्पिक संघ, पंतप्रधान कार्यालय आणि अनुराग ठाकूर यांच्यासह अमित शहा यांच्याकडे ट्विट करून तक्रार केली होती. २१ जानेवारी रोजी अनुराग ठाकूर यांच्याशी चर्चेनंतर कुस्तीपटूंनी आपले आंदोलन मागे घेतले होते.
