Asian Para Games : शरथची 5000 मीटर धावण्याच्या शर्यतीत 'सुवर्ण'ला गवसणी
पुढारी ऑनलाईन डेस्क : चीनमधील हांगझो येथे सुरू असलेल्या चौथ्या आशियाई पॅरा गेम्स स्पर्धेत भारताची पदकांची लयलूट सुरुच आहे. आज (दि. २४) पुरुषांच्या 5000 मीटर धावण्याच्या शर्यतीत शरथ शंकरप्पा मकनहल्लीने याने सुवर्णपदकाला गवसणी घातली आहे.
त्याने 5000m स्पर्धा 20:18.90 वेळेत पूर्ण केली. अवघ्या 0.1 सेकंदाने आघाडी घेत सुवर्ण पदकावर आपलं नाव काेरलं.
To chasing dreams & #Gold🥇🤩#Update: #ParaAthletics at #AsianParaGames.
Gmakanahalli Shankarappa Sharath blazed towards victory in Men’s 5000m T13 event, clocking an impressive 20:18.90 for a 📸 Finish !
Huge congratulations to our champion for this golden triumph 🥳🫡… pic.twitter.com/K6Shfa1hJK
— SAI Media (@Media_SAI) October 24, 2023
महिला 10M शुटिंगमध्ये भारताला कांस्य पदक
महिलांच्या १० मीटर पिस्तूलमध्ये भारताच्या रुबिना फ्रान्सिसने कांस्य पदक पटकावले. आशियाई पॅरा गेम्स स्पर्धेत रुबिना फ्रान्सिसने महिलांच्या 10 मीटर एअर पिस्तूल स्पर्धेच्या अंतिम फेरीत 211 गुणांसह धडक दिली होती.
पुरुष गोळाफेक स्पर्धेत रवी रोंगालला रौप्य
रवी रोंगालीने 9.92 मीटरच्या सर्वोत्कृष्ट थ्रोसह पुरुषांच्या गोळाफेक (शॉट पुट) स्पर्धेत रौप्य पदक पटकावले आहे.
पुरुष 10M शुटिंग स्पर्धेत भारताचा डबल धमाका
चौथ्या आशियाई पॅरा गेम्स स्पर्धेत पुरुषांच्या 10 मीटर शुटिंग स्पर्धेत भारताने दोन पदकांवर आपली मोहर उमटवली आहे. रुद्रांश खंडेलवालने 238.3 गुणांसह रौप्य पदकाला गवसणी घातली. तर पॅरालिम्पिक चॅम्पियन मनीष नरवाल याने २१७.३ गुणांसह कांस्य पदक पटकावले आहे.
बॅडमिंटनमध्ये भारताची तीन पदके निश्चित
आशियाई पॅरा गेम्स स्पर्धेत भारताचे बॅडमिंटनमधील आणखी एक पदक आज ( दि.२४) निश्चित झाले. प्रमोद भगत आणि मनीषा रामदास मिश्र दुहेरीच्या SL3-SU5 उपांत्यपूर्व फरीत चमकदार कामगिरी करत उपांत्य फेरीत धडक मारली आहे. SL3-SU5 मिश्र दुहेरी जोडी प्रमोद भगत/मनीषा रामदास यांनी उपांत्यपूर्व फेरीत तैयो इमाई/नोरिको इटो या जोडीचा सरळ गेममध्ये 21-10,22-20 असा पराभव करत भारताचे पदक निश्चित केले.
भारताच्या नितेश आजिण तुलासिमाथी जाेडीने दुहेरी उपांत्यपूर्व फेरीत चीनच्या जोडीचा पराभव केला. या जाेडीने उपांत्य फेरीत धडक मारल्याने भारताचे बॅडमिंटनमधील पदक निश्चित झाले आहे, नितेश कुमार/थुलासिमाथी मुरुगेसन जाेडीने 🇨🇳 Jianyuan यांग/Qiuxia Yang चा सरळ गेममध्ये 23-21,21-15 असा पराभव केला.
भारताने बॅडमिंटनमध्ये आपले तिसरे पदक निश्चित केले. महिला एकेरीत मानसी जोशीने उपांत्यपूर्व फेरीत चीनच्या Liu Yuemei चा पराभव करत उपांत्य फेरीत धडक मारली आहे.