Asian Para Games: पुरुष गोळाफेक स्पर्धेत रवी रोंगालला रौप्‍य
पुढारी ऑनलाईन डेस्‍क : चीनमधील हांगझो येथे सुरू असलेल्या चौथ्या आशियाई पॅरा गेम्स स्पर्धेत भारताची पदकांची लयलूट सुरुच आहे. रवी रोंगालीने 9.92 मीटरच्या सर्वोत्कृष्ट थ्रोसह पुरुषांच्या गोळाफेक (शॉट पुट) स्पर्धेत रौप्‍य पदक पटकावले.
🇮🇳’s Unstoppable Medal🎖️Rush in Para Athletics 🤩 continues at #AsianParaGames2022
Ravi Rongali gets us a #Silver🥈in Men’s Shot Put F40 event with best throw of 9.92m
Great work champ! Heartiest congratulations on the medal 🥳👏👏#Cheer4India#HallaBol#Praise4Para… pic.twitter.com/V9FmgVG6LG
— SAI Media (@Media_SAI) October 24, 2023
पुरुष 10M शुटिंग स्पर्धेत भारताचा डबल धमाका
चौथ्या आशियाई पॅरा गेम्स स्पर्धेत पुरुषांच्या 10 मीटर शुटिंग स्पर्धेत भारताने दाेन पदकांवर आपली माेहर उमटवली आहे. रुद्रांश खंडेलवालने 238.3 गुणांसह राैप्‍य पदकाला गवसणी घातली. तर पॅरालिम्पिक चॅम्पियन मनीष नरवाल याने २१७.३ गुणांसह कांस्‍य पदक पटकावले आहे.
बॅडमिंटनमध्‍ये भारताचे आणखी दोन पदके निश्चित
आशियाई पॅरा गेम्स स्पर्धेत भारताचे बॅडमिंटनमधील आणखी एक पदक आज ( दि.२४) निश्चित झाले. प्रमोद भगत आणि मनीषा रामदास मिश्र दुहेरीच्या SL3-SU5 उपांत्‍यपूर्व फरीत चमकदार कामगिरी करत उपांत्‍य फेरीत धडक मारली आहे. SL3-SU5 मिश्र दुहेरी जोडी प्रमोद भगत/मनीषा रामदास यांनी उपांत्‍यपूर्व फेरीत तैयो इमाई/नोरिको इटो या जोडीचा सरळ गेममध्ये 21-10,22-20 असा पराभव करत भारताचे पदक निश्चित केले.
भारताच्‍या नितेश आजिण तुलासिमाथी जाेडीने दुहेरी उपांत्‍यपूर्व फेरीत चीनच्‍या जोडीचा पराभव केला. या जाेडीने उपांत्‍य फेरीत धडक मारल्‍याने भारताचे बॅडमिंटनमधील पदक निश्चित झाले आहे, नितेश कुमार/थुलासिमाथी मुरुगेसन जाेडीने 🇨🇳 Jianyuan यांग/Qiuxia Yang चा सरळ गेममध्ये 23-21,21-15 असा पराभव केला.