Asian Games 2023 : भारताच्या मोहम्मद अफसलला रौप्यपदक! पुरुषांच्या 800 मीटर शर्यतीत ‘सिल्वर धाव’
पुढारी ऑनलाईन डेस्क : आशिया क्रीडा स्पर्धेत आज (दि. 3) मंगळवारी भारताच्या धावपटूंनी मैदान गाजवले. पुरुषांच्या 800 मीटर शर्यतीत भारताच्या मोहम्मद अफसलने रौप्यपदक पटकावले. त्याने 1 मिनिट 48.43 सेकंदांची वेळ घेत शर्यत यशस्वीरित्य पूर्ण केली. शेवटच्या काही मीटरमध्ये सौदी अरेबियाच्या एसा अलीने त्याच्यावर आघाडी घेतली आणि त्याचे सुवर्णपदक हुकले. भारताचा कृष्ण कुमार पाचव्या स्थानावर राहिला. या पदकासह भारताची पदकसंख्या 65 पर्यंत पोहचली आहे.
News Flash: Mohammed Afsal wins SILVER medal in 800m #IndiaAtAsianGames #AGwithIAS #AsianGames2022 pic.twitter.com/9EAG0inFw2
— India_AllSports (@India_AllSports) October 3, 2023
5000 मी. शर्यतीत भारताला सुवर्णपदक! पारुलची ऐतिहासिक ‘गोल्डन धाव’
धावपटू पारूल चौधरीने इतिहास रचला. तिने महिलांच्या 5000 मीटर शर्यतीत सुवर्णपदक जिंकले. या ऐतिहासिक कामगिरीच्य जोरावर भारताच्या खात्यात 14 वे सुवर्णपदक जमा झाले असून एकूण पदकांची संख्या 64 पर्यंत पोहचली आहे. आशियाई क्रीडा स्पर्धेत महिलांच्या 5000 मीटर शर्यतीत भारताचे हे पहिले सुवर्णपदक आहे. यापूर्वी असे कधीच घडले नव्हते.
पारुलचे सलग दुसरे पदक
दरम्यान, पारुल चौधरीचे हे सलग दुसरे पदक आहे. काल सोमवारी तिने 3000 मीटर स्टीपलचेसमध्ये मैदान गाजवले होते. तिने 9 मिनिटे 27.63 सेकंदांची वेळ घेत रौप्यपदक पटकावले होते तर याच स्पर्धेत भारताच्या प्रिती लांबाने (वेळ : 9 मिनिटे 43.32 सेकंद) कांस्यपदकावर आपले नाव कोरले होते.
Powerhouse Parul grabs a #GloriousGold🥇in Women’s 5000m 🥳
Second time around, she proves that charm and determination pay off, securing her remarkable second medal at #AsianGames2022.
Clocking 15:14.75, Parul’s performance is absolutely 🔥!
Heartiest congratulations champ!… pic.twitter.com/NRfxSBJXwH
— SAI Media (@Media_SAI) October 3, 2023
विद्याने कांस्यपदक जिंकले
विद्या रामराजने 400 मीटर अडथळा शर्यतीत भारताला आणखी एक पदक मिळवून दिले. तिने 55.68 सेकंद वेळेसह तिसरे स्थान पटकावले आणि कांस्यपदक जिंकले. बहरीनच्या अदेकोयाने 54.45 सेकंद वेळेसह सुवर्णपदक जिंकले. त्याचवेळी चीनच्या जियादी मोने 55.01 सेकंदाची वेळ नोंदवत रौप्यपदक जिंकले. भारताचे हे 63 वे पदक ठरले.
BRONZE 🥉 Medal For INDIA 🇮🇳
Vithya Ramraj wins bronze medal in 400m Hurdles.#AsianGames2022 #IndiaAtAG22 pic.twitter.com/aU3CcKnvlU
— Doordarshan Sports (@ddsportschannel) October 3, 2023
स्क्वॉशच्या मिश्र दुहेरीत दोन पदके निश्चित!
भारतीय स्क्वॉशपटू दीपिका पलिकल (Dipika Palikal) आणि हरिंदर पाल सिंग संधू (Harindar Pal Singh Sandhu) यांच्यासह अनाहत सिंग-अभय सिंग या जोड्यांनी मंगळवारी शानदार विजय मिळवले. या विजयासह आशियाई क्रीडा स्पर्धेच्या स्क्वॉश मिश्र दुहेरीच्या (Squash Mixed Doubles) सामन्यात या भारतीय जोड्यांनी सेमीफायनलमध्ये (Quarter Finals) प्रवेश केला.
भारतीय जोडीने उपांत्यपूर्व फेरीत फिलिपिन्सच्या जेमिका अरिबाडो आणि अँड्र्यू गारिका यांचा 2 विरुद्ध 1 गेमने (7-11, 11-5, 11-4) पराभव केला. भारतीय जोडीला फिलीपाईन्सच्या जोडीने कडवी झुंज दिली आणि पहिला गेम जिंकला. पण दीपिका आणि हरिंदर यांनी शानदार पुनरागमन केले आणि पुढेचे दोन्ही गेम जिंकून सामना खिशात टाकला. याचबरोबर या जोडीने सेमीफायनल गाठली असून भारतासाठी पदक निश्चित केले आहे.
Medal assured 🚨 Great news from the #Squash court!
🇮🇳’s mixed doubles pair, @DipikaPallikal & @sandhu_harinder secured a spot in the Semi-Finals by defeating the Philippines’ team in the QFs.
Congratulations and all the best to both💪🏻👏#AsianGames2022#Cheer4India… pic.twitter.com/tzRYDKB9Of
— SAI Media (@Media_SAI) October 3, 2023
दरम्यान, अनाहत सिंग आणि अभय सिंग या आणखी एका भारतीय जोडीने स्क्वॉश मिश्र दुहेरीच्या (Squash Mixed Doubles) सेमीफायनलमध्ये प्रवेश करून पदक निश्चित केले आहे. भारतीय जोडीने हाँगकाँगच्या त्झे विंग टाँग आणि मिंग हाँग तांग यांचा 2-0 असा पराभव केला. या सामन्यातही भारताने वर्चस्व राखले. सलग दोन गेम (11-10 11-8) जिंकून प्रतिस्पर्ध्यांवर सहज मात केली. हाँगकाँगने पहिल्या सेटमध्ये पुनरागमन करण्याचा प्रयत्न केला मात्र भारतीयांनी कोणतीही चूक केली नाही.
Another medal 🏅 assured in #Squash
The duo of @abhaysinghk98 & Anahat defeated 🇰🇷’s Lee &Yang to move into the Semis!
Well done Guys! Let’s get the 🥇#AsianGames2022#Cheer4India#HallaBol#JeetegaBharat#BharatAtAG22 pic.twitter.com/t5gd3lyW6q
— SAI Media (@Media_SAI) October 3, 2023