Virat Kohli : विराट कोहलीचे अनोखे वादळी ‘द्विशतक’! अफगाणिस्तानविरुद्ध रचला नवा विक्रम
पुढारी ऑनलाईन डेस्क : टीम इंडियाचा महान फलंदाज विराट कोहलीने अखेर शतक झळकावले. आपल्या 70 व्या ते 71व्या आंतरराष्ट्रीय शतकासाठी त्याने 1020 दिवस प्रतिक्षा पहायला लावली. ही प्रतीक्षा लांबत चालली होती, पण 8 सप्टेंबर 2022 रोजी त्याने शतक फटकावले तेही नाबाद. टी 20 आंतरराष्ट्रीय क्रिकेटमधील हे त्याचे पहिले शतक असले तरी विराटच्या बॅटने आंतरराष्ट्रीय क्रिकेटमध्ये 71वे शतक ठरले आहे. (virat kohli 71st century)
विराट कोहलीच्या बॅटमधून याआधी 23 नोव्हेंबर 2019 रोजी शतक आले होते. तेव्हा तो बांगलादेशविरुद्ध पिंक बॉल कसोटी सामन्यात शतक झळकावण्यात यशस्वी झाला होता. त्याचवेळी विराटने आशिया चषक 2022 च्या सुपर 4 सामन्यात अफगाणिस्तानविरुद्ध 53 चेंडूत 11 चौकार आणि 4 षटकारांच्या मदतीने शतक पूर्ण केले. यादरम्यान त्याचा स्ट्राइकरेट 188.68 होता. (virat kohli 71st century)
अफगाणिस्तानविरुद्ध टी-20 आंतरराष्ट्रीय क्रिकेटमध्ये शतक झळकावणारा विराट कोहली हा पहिला खेळाडू ठरला आहे. त्याच्या आधी, अफगाणिस्तानविरुद्ध T20I क्रिकेटमध्ये सर्वोच्च धावसंख्या ल्यूक राइटची होती. त्याने नाबाद 99 धावा केल्या होत्या. त्याचबरोबर आता विराट कोहलीने 61 चेंडूत 122 धावांची खेळी केली आहे. याशिवाय तो T20 आंतरराष्ट्रीय क्रिकेटमध्ये भारतासाठी सर्वाधिक धावा करणारा खेळाडू बनला आहे. (virat kohli 71st century)
षटकारांचे शतक पूर्ण
भारतीय क्रिकेट संघाचा माजी कर्णधार आणि सध्याचा फलंदाज विराट कोहलीने T20 आंतरराष्ट्रीय क्रिकेटमध्ये विशेष स्थान मिळवले आहे. विराट कोहलीने T20I क्रिकेटमध्ये षटकारांचे शतक पूर्ण केले आहे. अशी कामगिरी करणारा तो भारताचा दुसरा क्रिकेटपटू ठरला आहे. याशिवाय त्याने आंतरराष्ट्रीय क्रिकेटमध्ये 250 षटकारही पूर्ण केले आहेत. (virat kohli completes 100 sixes in t20)
T20 आंतरराष्ट्रीय क्रिकेटमध्ये 100 किंवा त्याहून अधिक षटकार मारणारा विराट कोहली हा भारताचा दुसरा क्रिकेटर आहे. त्याच्या आधी रोहित शर्माने आंतरराष्ट्रीय क्रिकेटच्या सर्वात लहान फॉरमॅटमध्ये 100 हून अधिक षटकार ठोकले आहेत. त्याचबरोबर टी-20 आंतरराष्ट्रीय क्रिकेटमध्ये 100 षटकार ठोकणारा तो जगातील 10 वा खेळाडू ठरला आहे. याशिवाय आंतरराष्ट्रीय क्रिकेटमध्ये 250 किंवा त्याहून अधिक षटकार मारणारा तो 17 वा क्रिकेटपटू ठरला आहे. या यादीत भारतातील अनेक खेळाडूंची नावे आहेत. (virat kohli completes 100 sixes in t20)
आंतरराष्ट्रीय क्रिकेटमध्ये भारताने सचिन तेंडुलकर, सौरव गांगुली, युवराज सिंग, एमएस धोनी आणि रोहित शर्मा यांनी 250 किंवा त्याहून अधिक षटकार ठोकले आहेत. विराट कोहलीने आशिया चषक 2022 च्या सुपर 4 मधील त्याच्या तिसऱ्या सामन्यात अफगाणिस्तानविरुद्ध त्याच्या डावातील दुसरा षटकार मारला. त्याचप्रमाणे टी-20 आंतरराष्ट्रीय क्रिकेटमध्ये त्याच्या षटकारांची संख्या 100 झाली आहे. विराटने क्रिकेटच्या या फॉरमॅटमध्ये 300 हून अधिक चौकारही मारले आहेत. (virat kohli completes 100 sixes in t20)
Innings Break!
A stupendous 122* from @imVkohli and a well made 62 from @klrahul as #TeamIndia post a formidable total of 212/2 on the board.
Scorecard – https://t.co/QklPCXU2GZ #INDvAFG #AsiaCup2022 pic.twitter.com/RqpN6t0tOM
— BCCI (@BCCI) September 8, 2022