WI vs IND T20 : केएल राहुलच्या जागी संजू सॅमसनला संधी!
पुढारी ऑनलाईन डेस्क : WI vs IND T20 : भारत आणि वेस्ट इंडिज यांच्यात आजपासून पाच सामन्यांची टी-20 आंतरराष्ट्रीय मालिका खेळवली जाणार आहे. या मालिकेसाठी केएल राहुलचा टी-20 संघात समावेश करण्यात आला होता, परंतु कोविड-19 पॉझिटिव्ह असल्याने तो टीम इंडिया स्कॉडमध्ये सामील होऊ शकला नाही. त्यानंतर बीसीसीआय राहुलच्या जागी कोणाचाही समावेश करणार नाही अशी शक्यता व्यक्त केली जात होती, पण त्याच्या जागी संजू सॅमसनचा टी-20 संघात समावेश करण्यात आला आहे. (WI vs IND T20)
सॅमसन तीन सामन्यांच्या एकदिवसीय आंतरराष्ट्रीय मालिकेचा भाग होता आणि त्यात त्याने आपल्या फलंदाजीने प्रभावित केले. सॅमसन, जो अजूनही वेस्ट इंडिजमध्ये आहे, तो टी-20 मालिकेपूर्वी भारतीय खेळाडूंसोबत सराव करताना दिसला, यावरून तो टी-20 आंतरराष्ट्रीय मालिकेतही खेळू शकतो अशी चर्चा आहे. बीसीसीआयच्या अधिकृत साईटवर पहिल्या सामन्यासाठी भारतीय संघात केएल राहुलचे नाव नाही, तर संजू सॅमसन त्याचा एक भाग असल्याचे समोर आले आहे. (WI vs IND T20)
इंग्लंड दौऱ्यानंतर विश्रांती घेतलेल्या आणि विंडीजविरुद्ध टी 20 मालिकेसाठी टीम इंडियात दाखल झालेला रोहित शर्मा पुन्हा कर्णधारपदाची जबाबदारी स्वीकारण्यासाठी सज्ज झाला आहे. याशिवाय आर अश्विन, भुवनेश्वर कुमार आणि दिनेश कार्तिक यांच्यासारखे वरिष्ठ खेळाडू देखील टी-20 आंतरराष्ट्रीय मालिकेसाठी टीम इंडियामध्ये सामील झाले आहेत. (WI vs IND T20)
Sound 🔛 🔊#TeamIndia captain @ImRo45 warming up in the nets ahead of the 1st #WIvIND T20I. 👌 👌 pic.twitter.com/0V5A70l2EY
— BCCI (@BCCI) July 29, 2022