tamil nadu cm vijay thalapathy birthday cake popular in chennai and demand has increased
पुढारी ऑनलाईन : CM Vijay Thalapathy Birthday Cake Popular In Chennai: २२ जून रोजी अभिनेता आणि तमिळनाडूचे मुख्यमंत्री विजय यांनी अभिनेत्री तृषासोबत आपला ५२ वा वाढदिवस साजरा केला होता. या सेलिब्रेशनमधील मँगो केकचा फोटो सोशल मीडियावर व्हायरल झाला आणि आता चेन्नईत या केकची मोठी क्रेझ निर्माण झाली आहे.
तमिळनाडूचे मुख्यमंत्री आणि लोकप्रिय अभिनेते विजय यांच्याविषयी चाहत्यांमध्ये प्रचंड उत्साह आहे. काही दिवसांपूर्वी त्यांनी जवळची मैत्रीण तृषासोबत वाढदिवस साजरा केला. त्या वेळी वाढदिवसाच्या फोटोंमध्ये दिसलेला मँगो व्हॅनिला केक चाहत्यांच्या विशेष पसंतीस उतरला असून, चेन्नईत या केकची मागणी झपाट्याने वाढली आहे.
मँगो केक आता 'सीएम केक' म्हणून प्रसिद्ध
चेन्नईतील बेकर तन्वी बोकारिया यांनी सांगितले की, २२ जून रोजी तृषाने विजय यांच्या वाढदिवसाचे फोटो सोशल मीडियावर शेअर केल्यानंतर त्यांच्या बेकरीत तयार केलेल्या मँगो व्हॅनिला केकची मागणी अचानक वाढली. गेल्या दोन आठवड्यांत त्यांनी ४०० हून अधिक मँगो व्हॅनिला केक विकले आहेत. विशेष म्हणजे, ग्राहक आता हा केक ऑर्डर करताना "सीएम केक" द्या, अशीच मागणी करत आहेत.
तृषाने खास पद्धतीने साजरा केला विजय यांचा वाढदिवस
माध्यमांतील वृत्तांनुसार, विजय आणि तृषा कृष्णन यांची चांगली मैत्री आहे. त्यांच्या नात्याबाबत अनेकदा चर्चा रंगल्या असल्या तरी दोघांनीही याबाबत कधीही अधिकृत प्रतिक्रिया दिलेली नाही. मात्र, अनेक सार्वजनिक कार्यक्रमांमध्ये ते एकत्र दिसले आहेत. अलीकडेच विजय यांच्या शपथविधी सोहळ्यातही तृषा उपस्थित होती. त्या वेळी ती भावूक झाल्याचेही पाहायला मिळाले.
'जन नायकन' ठरणार विजय यांचा शेवटचा चित्रपट
गेल्या सहा महिन्यांपासून रखडलेला विजय यांचा 'जन नायकन' हा चित्रपट लवकरच प्रदर्शित होणार आहे. हा विजय यांच्या अभिनय कारकिर्दीतील शेवटचा चित्रपट असल्याचे सांगितले जात आहे. त्यानंतर ते तमिळनाडूचे मुख्यमंत्री म्हणून पूर्णवेळ सार्वजनिक आणि राजकीय कामकाजावर लक्ष केंद्रित करणार आहेत.
