पुढारी ऑनलाईन डेस्क - बॉलीवूड अभिनेत्री शिल्पा शेट्टीने लिंगराज मंदिरातील फोटो आणि व्हिडिओ शेअर करून वादात सापडली आहे. मंदिरात फोटो क्लिक करणे आणि व्हिडिओ करणे प्रतिबंध आहे. शिल्पा शेट्टीने मंदिराच्या नियमांचे उल्लंघन केल्याचे म्हटलं जात आहे. लिंगराज मंदिर परिसराच्या आत क्लिक करण्यात आलेल्या फोटो, व्हिडिओमध्ये बॉलीवूड अभिनेत्री शिल्पा शेट्टी दिसत आहे. सोमवार सायंकाळी ती लिंगराज मंदिरात गेली होती. तेव्हा तिने फोटो घेत व्हिडिओदेखील बनवले. शिल्पा शेट्टीचे फोटो सोशल मीडियावर व्हायरल होत आहे.
आता वाद निर्माण झाला आहे की, अखेर लिंगराज मंदिराच्या आतमध्ये फोटो आणि व्हिडिओ बनवण्यासाठी प्रतिबंध असताना शिल्पा शेट्टीने फोटो कसे क्लिक केले.
माहितीनुसार, शिल्पा शेट्टी सोमवारी लिंगराज मंदिरात गेली होती. भगवान लिंगराज महाप्रभुचे दर्शनही केले. नंतर तिने मंदिर परिसरात फोटो घेतले आणि व्हिडिओ बनवले. यावेळी तिमे गोल्डन ड्रेस परिधान केला होता.
