Pankaj Tripathi Brother: बॉलीवूड अभिनेता पंकज त्रिपाठीच्या भावाला विजेंद्रनाथ यांच्यावर रविवारी काठ्या आणि गोल्फ क्लबने आणि कुऱ्हाडीने जिवघेणा हल्ला करण्यात आला आहे. हा हल्ला बिहारमधील त्यांच्या मूळ गावी करण्यात आल्याचे पोलिसांनी सांगितलं.
अभिनेता पंकज त्रिपाठी यांचे मूळ गाव बेलसंद हे गोपाळगंज जिल्ह्यातील बरौली शहराजवळ आहे. तिथं जमिनीच्या वादातून पंकज त्रिपाठी यांचे बंध विजेंद्रनाथ यांच्यावर जिवघेणा हल्ला झाला. विजेंक्र यांना या हल्ल्यानंतर गोपळगंज येथील मॉडेल रूग्णालयात रात्री उशीरा दाखल करण्यात आलं. त्यानंतर त्यांना पटना येथील रूग्णालयात पाठवण्यात आलं.
या प्रकरणी पोलिसांनी त्वरित कारवाई करत आरोपींना अटक केली आहे. राष्ट्रीय पुरस्कार प्राप्त अभिनेता पंकज त्रिपाठी यांनी या प्रकरणाबाबत अधिक माहिती देणं टाळलं आहे.
मात्र गोपाळगंजमधील एसपी विनय तिवारी यांनी हल्लेखोरांची ओळख पटवून त्यांना अटक करण्यात आली आहे असं सांगितलं. एसपींनी पंकज त्रिपाठी यांच्या कुटुंबियांनी अजूनपर्यंत याबाबत लेखी तक्रार केली नसल्याचं सांगितलं. ज्यावेळी अधिकृत तक्रार मिळेत पोलीस पुढची कायदेशीर कारवाई करतील असं सांगितलं.
