केजीएफ स्टार यशच्या आईच्या ६५ लाख रुपयांच्या कथित फसवणुकीची चर्चा सध्या सुरू आहे. काही व्यक्तींवर गुंतवणुकीच्या नावाखाली पैसे घेतल्याचा आरोप आहे. पोलिस तपास सुरू असून, कुटुंबाकडून अधिकृत प्रतिक्रिया अद्याप आलेली नाही.
Actor Yash Mother pushplatha fraud case
मुंबई- यशची आई पुष्पलता यांनी कन्नड चित्रपट 'कोथलावाडी'च्या प्रमोशन दरम्यान प्रमोटर हरीश आरासू यांच्यावर फसवणूक, धमक्या आणि ६४.८ लाख रुपयांच्या नकारात्मक प्रसिद्धीचा आरोप करत पाच जणांची नावे नोंदवली आहेत.केजीएफ स्टार यश नेहमीच चर्चेत असतो, परंतु आता त्याची आई पुष्पलता एका गंभीर वादामुळे चर्चेत आहे.
चित्रपटसृष्टीत निर्माती म्हणून प्रवेश केलेल्या पुष्पलता यांनी चित्रपट प्रमोटर हरीश आरासू यांच्याविरुद्ध पोलिस तक्रार दाखल केलीय. पुष्पलता यांनी त्यांचा कन्नड चित्रपट "कोथलावाडी" निर्मित केला होता, जो १ ऑगस्ट २०२५ रोजी चित्रपटगृहामध्ये प्रदर्शित झाला.
काय आहे संपूर्ण प्रकरण?
तक्रारीत पुष्पलता यांनी आरोप केला आहे की, त्यांनी चित्रपटाच्या प्रमोशनची जबाबदारी हरीश आरासूवर सोपवली होती. चित्रपटाचे शूटिंग २४ मे २०२५ ते जुलैच्या मध्यापर्यंत तलाकडू, गुंडलुपेट, म्हैसूर आणि चामराजनगरसह विविध ठिकाणी करण्यात आले. सुरुवातीच्या करारानुसार, हरीश चित्रपटाच्या प्रमोशनसाठी २.३ लाख खर्च करणार होता. हरीशने चित्रपटाच्या नावाचा वापर करून अनेकांकडून अतिरिक्त २.४ लाख रु. घेतले. पुष्पलता यांचा दावा आहे की, त्यांनी हरीशला एकूण ६,४८७,७०० रु. रोख दिले, ज्यामध्ये ३१ जुलै रोजी प्रिंट मीडिया जाहिरातींसाठी ४ लाख रु. समाविष्ट आहेत.
जेव्हा पुष्पाने हरीशकडे या रकमेबद्दल स्पष्टीकरण मागितले तेव्हा हरीशने त्यांना धमकी दिली आणि आणखी २.७ लाख रुपये मागितले. १ ऑगस्ट रोजी पुष्पाला चित्रपटाचे प्रमोशनल साहित्य गहाळ असल्याचे आढळले आणि त्यानंतर त्यांना कळले की, हरीश चित्रपट आणि त्याच्या टीमबद्दल नकारात्मक प्रचार करत आहे. १५ ऑगस्ट २०२५ रोजी पुष्पलता आणि चित्रपटाचे दिग्दर्शक श्रीराज यांना हरीश, मनू, नितीन आणि इतर अनेक अज्ञात व्यक्तींकडून धमकीचे फोन आले तेव्हा परिस्थिती आणखी बिकट झाली.
या गंभीर आरोपांनंतर पुष्पाने हाय ग्राऊंड्स पोलिस ठाण्यात तक्रार दाखल केलीय. त्यांनी हरीश अरासु, मनु, नितिन, महेश गुरु, स्वर्णलता (रणनायक) विरोधात फसवणूक, धमकी, मानहानी आणि गुन्हेगारी षडयंत्र प्रकरणी कारवाईची मागणी केलीय.
