bollywood news swara bhasker attempted 2 ivf before marriage become mother surrogacy parents reaction
पुढारी ऑनलाईन : स्वरा भास्करने खुलासा केला आहे की, लग्न होण्याची आशा संपल्यानंतर तिने अनोळखी स्पर्म डोनरच्या माध्यमातून IVF (IVF) करून आई होण्याचा निर्णय घेतला होता. मात्र, CAA (CAA) आंदोलनादरम्यान फहाद अहमद यांच्याशी झालेल्या भेटीने त्यांचे आयुष्य पूर्णपणे बदलले.
बॉलिवूडमधील धडाकेबाज अभिनेत्री स्वरा भास्कर सध्या रिअॅलिटी शो ‘राइज अँड फॉल’मध्ये दिसत आहे. या शोमध्ये स्वरा आपल्या वैयक्तिक आणि व्यावसायिक आयुष्याबद्दल कोणताही आडपडदा न ठेवता बोलत आहे. स्वराने शोमध्ये आता आई होण्याबाबतही भाष्य केले. तिने सांगितले की, तिला लग्नाआधीच आई व्हायचे होते. अखेर असे का? चला जाणून घेऊया...
स्वराने सांगितले गुपित
‘राइज अँड फॉल’मध्ये आपल्या वैयक्तिक आयुष्याबद्दल बोलताना स्वरा भास्करने सांगितले की, एका काळात तिला असे वाटत होते की, तिचे कधीच लग्न होणार नाही. मात्र, तिला आई व्हायचे होते. त्यामुळे तिने आई होण्याबाबत आपल्या आई-वडिलांशी चर्चा केली होती. आई होण्यासाठी IVFचा आधार घेतला होता.
स्वरा म्हणाली, “मी IVF करून घेण्यासाठी तयार होते आणि मी माझ्या आई-वडिलांनाही यासाठी तयार केले होते. मला वाटले होते की माझे लग्न तर होणारच नाही, आता मी IVFच्या माध्यमातूनच मूल जन्माला घालेन.”
स्वराने सांगितले की, तिच्या आई-वडिलांनी तिच्या निर्णयाला पाठिंबा दिला होता. मात्र, त्यांनी तिला एकट्याने मुलाचे संगोपन करणे किती कठीण असते, हेही सांगितले होते. याबाबत अभिनेत्री म्हणाली, “बिचारे माझे आई-वडील, खूप प्रेमळ लोक आहेत. ते मला म्हणत होते की, ‘ऐक, हे खूप आव्हानात्मक असेल... पण तुला हेच हवे असेल, तर ठीक आहे.’”
कोण होता डोनर?
अभिनेत्रीने हेही उघड केले की, मूल होण्यासाठी त्यांनी लग्नाआधी दोन वेळा IVF करून घेतले होते. अभिनेत्री म्हणाल्या, “मला मूल आणि कुटुंब दोन्ही हवे होते. मी अनोळखी डोनरच्या मदतीने IVFच्या दोन फेऱ्या केल्या होत्या, पण त्या यशस्वी झाल्या नाहीत.”
मात्र, नशिबाला काहीतरी वेगळेच मंजूर होते. CAA आंदोलनादरम्यान स्वराची भेट फहाद यांच्याशी झाली. तिथून सुरू झालेली दोघांची मैत्री हळूहळू नात्यात बदलली. त्यानंतर फेब्रुवारी 2023 मध्ये दोघांनी मुंबईत आपल्या लग्नाची नोंदणी केली. त्यानंतर कुटुंबीय आणि मित्रांसोबत लग्नाचा सोहळा साजरा केला. लग्नानंतर 9 महिन्यांनी, सप्टेंबर 2023 मध्ये या दाम्पत्याने मुलीचे स्वागत केले.
