पुढारी ऑनलाईन डेस्क : नामवंत कलाकारांची भूमिका असलेला स्पाय थ्रिलरचा प्रीमियार लवकरचं भेटीला येणार आहे. झी स्टुडियोज आणि यिप्पी की याय मोशन पिक्चर्स प्रस्तुत, अतुल सबरवाल दिग्दर्शित 'बर्लिन' ZEE5 च्या ट्रेलरचे अनावरण केले. बर्लिनचा प्रीमियर १३ सप्टेंबर रोजी होणार आहे. त्यात अपारशक्ती खुराना, इश्वाक सिंग, राहुल बोस, अनुप्रिया गोएंका आणि कबीर बेदी झळकणार आहेत. १९९० च्या दशकातील नवी दिल्लीतील राजकीय तणावपूर्ण वातावरणावर आधारित आहे.
नवी दिल्लीत १९९३ च्या कुडकुडवणाऱ्या थंडीत, 'बर्लिन' एक तणावपूर्ण हेरपट म्हणून समोर येतो. जेव्हा अधिकारी एका बहिरा-मूक तरुणाला (इश्वाक सिंग) परदेशी हेर असल्याच्या संशयावरून अटक करतात. हे प्रकरण एक गुंतागुंतीचे वळण घेते. एक कुशल सांकेतिक भाषा तज्ज्ञ अपारशक्ती खुरानाला अर्थ लावण्यासाठी पाचारण करण्यात येते. कारस्थानांचे जाळे अधिकच गुंतागुंतीचे होत जाते. एका कुख्यात गुप्तहेराला (अनुप्रिया गोयंका) मदत केल्याच्या आरोपावरून अधांतरी सत्य बाहेर पडते आणि एक गुप्तचर अधिकारी (राहुल बोस) ते उघड करण्यासाठी काळाच्या विरुद्ध शर्यत लावतो. मात्र प्रतिस्पर्धी संस्था आणि अदृश्य शक्ती कट रचत असताना, एक धक्कादायक खुलासा या प्रकरणाला उलटे वळण देतो. प्रत्यक्ष नजरेत लपून राहिलेली व्यक्ती खरा गुप्तहेर असू शकतो का?
'मामी', लॉस एंजेलिसमधील 'स्टार्स एशियन इंटरनॅशनल फिल्म फेस्टिव्हल' आणि 'इंडियन फिल्म फेस्टिव्हल ऑफ मेलबर्न' यासारख्या अनेक आंतरराष्ट्रीय चित्रपट महोत्सवांमध्ये बर्लिन झळकला आहे.
अपारशक्ती खुराना म्हणाला, "बर्लिन हा एक असा सिनेमा आहे, ज्याच्याशी मी भावनिकदृष्ट्या संलग्न आहे. कारण त्याने माझ्यातील सर्वोत्तम गोष्टी बाहेर आणल्या आहेत. अतुल सभरवालने मला माझ्या कम्फर्ट झोनमधून बाहेर काढले. हे कथानक उच्च-जोखमीच्या पोकर खेळात वाईल्डकार्ड असल्यासारखे आहे. इथला प्रत्येक खेळाडू गुप्तता राखतो. माझ्यावर विश्वास ठेवा, ही कथा द्विधा मनस्थितीत ठेवत नाही - हे एक मन वळवणारे कोडे आहे. जे तुम्हाला सिनेमा पाहताना गुप्तहेर खेळात गुंगवते. हे एक असे पात्र आणि एक भूमिका आहे जिचा शोध मी पूर्वी कधीही घेतला नव्हता.''
मूक-बधिर व्यक्तीची भूमिका साकारणाऱ्या इश्वाक सिंगने आपला अनुभव सांगितला, "शीर्षकाच्या शब्दांवरून मला समजले की हा एक विशेष सिनेमा आहे. मला ही व्यक्तिरेखा आणि कथा खूप रंजक वाटली. तसेच कथानकाप्रमाणेच मी ती कशी उलगडणार हे एक गूढ होते.
अशोक या कर्णबधिर व्यक्तीची भूमिका म्हणजे मी आतापर्यंत साकारलेले सर्वात आव्हानात्मक पात्र आहे यात शंका नाही. मला सांकेतिक भाषेत अस्खलित असणे आवश्यक होते आणि त्यात सोयीस्कर असणे आवश्यक होते म्हणून मी नैसर्गिकरित्या आत्मसात करण्याचा प्रयत्न केला. मी दृश्ये सादर करताना चूप असायचो. कर्णबधिर समुदायाला सांकेतिक भाषेचा अभिमान आहे आणि ते त्याकडे अडथळा म्हणून पाहत नाही. मला हा अडथळा पार करावा लागला.”
दृढनिश्चयी गुप्तचर अधिकाऱ्याची भूमिका साकारणारा राहुल बोस म्हणाला, 'बर्लिन' हा त्या दुर्मिळ प्रकल्पांपैकी एक आहे जो केवळ तुमच्या कौशल्यांनाच नव्हे तर कथा सांगण्याच्या तुमच्या दृष्टिकोनालाही आव्हान देतो. माझ्या पात्राचा प्रवास तणाव, रहस्ये आणि अस्तित्व आणि सत्य यांच्यातील सततच्या लढाईने व्यापलेला आहे. सत्य कुठे आहे याचा अंदाज प्रेक्षकांना लावण्यासाठी तयार केलेली ही एक कथा आहे.''
