Dhurandhar Akshaye Khanna viral video
नवी दिल्ली : 'धुरंधर' चित्रपटातील आपल्या प्रभावी अभिनयामुळे अभिनेता अक्षय खन्नाने पुन्हा एकदा लोकप्रियता मिळवली आहे. आदित्य धर दिग्दर्शित या चित्रपटात त्याने रहमान डकैत ही भूमिका साकारली आहे, जो एकेकाळी कराचीच्या लियारी टाऊनवर राज्य करणारा कुख्यात गुंड होता. प्रेक्षक पडद्यावर त्याच्या अभिनयातील तीव्रता पुन्हा अनुभवत असताना, एक जुनी मुलाखतीचा व्हिडिओ समोर आला आहे, ज्यामुळे त्याच्या वैयक्तिक आयुष्याबद्दल चर्चा सुरू आहे.
अनेक वर्षांपूर्वी अनुराधा प्रसाद यांना दिलेल्या एका मुलाखतीत अक्षयने सांगितले होते की, त्याला कधीतरी लग्न करायचे आहे, पण जेव्हा त्याला योग्य वाटेल तेव्हाच. त्याचे मत होते की, लग्न तेव्हाच महत्त्वाचे ठरते, जेव्हा ते एका योग्य नात्यातून जन्माला येते. त्याने हेही म्हटले होते की, बरेच लोक केवळ कुटुंबाच्या दबावाखाली लग्न करतात आणि अशी सुरुवात योग्य नसते. लग्न करण्यापूर्वी व्यक्तीने आपल्यासाठी योग्य मुलगी शोधली पाहिजे. केवळ कुटुंब दबाव टाकत आहे म्हणून लग्न करणे चुकीचे आहे.
पण नंतर अक्षयचे विचार बदलले. एका मुलाखतीत त्याने सांगितले की, आता त्याला स्वतःचे लग्न झालेले दिसत नाही. त्याच्या मते, तो लग्नासाठी बनलेलाच नाही. त्याने स्पष्टपणे सांगितले की, हे केवळ कमिटमेंट बद्दल नाही, तर त्या प्रकारच्या आयुष्याबद्दल आहे. लग्न संपूर्ण आयुष्य बदलून टाकते. अक्षय म्हणाला की, त्याला त्याच्या आयुष्यावर पूर्ण नियंत्रण हवे आहे. जेव्हा तुम्ही दुसऱ्या कोणासोबत आयुष्य शेअर करता, तेव्हा संपूर्ण नियंत्रण राहत नाही. अनेक गोष्टींमध्ये तडजोड करावी लागते आणि एकमेकांचे आयुष्य एकमेकांमध्ये जोडले जाते.
अक्षय खन्नाचा हा निर्णय कोणत्याही भीतीमुळे किंवा संकोचामुळे नाही, तर स्वतःला चांगल्या प्रकारे समजून घेतल्यामुळे आहे. तो लग्नाचा आदर करतो, पण त्याचे मत आहे की हा मार्ग कदाचित त्याच्यासाठी नाही. आज तो त्याच्या कामावर लक्ष केंद्रित करत आहे आणि एक शांत, संतुलित खासगी आयुष्य जगत आहे.
