.jpg?rect=0%2C0%2C652%2C367&w=480&auto=format%2Ccompress&fit=max)
पुढारी ऑनलाईन डेस्क - अभिषेक बच्चन आणि ऐश्वर्या राय बच्चन यांच्यात मतभेद असल्याच्या बातम्या मध्यंतरी समोर आल्या होत्या. अनंत अंबानी आणि राधिका मर्चंटच्या लग्नसोहळ्यातदेखील दोघे वेगवेगळे पोहोचल्याने अनेकांनी तर्क लावायला सुरुवात केली की, या पॉवर कपलमध्ये काहीतरी बिनसलंय. पण आता त्यांचा एक व्हिडिओ सोशल मीडियावर व्हायरल होत आहे. ज्यामध्ये अभिषेक बच्चन, आराध्या आणि ऐश्वर्या सोबत एकत्र एका विमानतळावर कॅमेराबद्ध झाले आहेत.
दोघे विभक्त होणार असल्याचा अंदाज बांधला जात असताना आता अभिषेक बच्चन आणि ऐश्वर्या राय यांचा एक व्हिडिओ सोशल मीडियावर लोकांचे लक्ष वेधून घेत आहे. १ सप्टेंबर रोजी, ऐश्वर्या रायच्या फॅन क्लबने त्यांच्या इन्स्टाग्राम अकाऊंटवर एक व्हिडिओ शेअर केला, जो दुबई विमानतळाचा आहे. लाल हुडी आणि पँटमध्ये अभिषेक पत्नी ऐश्वर्या आणि मुलगी आराध्यासोबत तो लक्झरी बसमध्ये चढत असल्याचे व्हिडिओमध्ये दिसत आहे.
व्हिडिओमध्ये ऐश्वर्या राय ब्लॅक आऊटफिटमध्ये दिसत आहे. मोकळे केस आणि गॉगल तर तिची मुलगी आराध्या ब्लू जीन्स आणि पिंक टॉपमध्ये दिसत आहे. पण, काही नेटिझन्स हा जुना व्हिडिओ म्हणत आहेत.
हा व्हिडिओ गेल्या वर्षी दुबईमध्ये आयोजित केलेल्या एका अवॉर्ड शोमधील असल्याचे एका यूजरने म्हटले आहे. त्याचवेळी एका चाहत्याच्या नजरेस आराध्याच्या केसांचा बँग दिसला. युजर म्हणतो की हा व्हिडिओ जुना असू शकतो, कारण आराध्याला आता हेअर बँग नाहीत. जुलै महिन्यातच आराध्याने अनंत अंबानींच्या लग्नात आई ऐश्वर्यासोबत हजेरी लावली होती.
video - aishwaryaraibachchan_arb__ insta वरून साभार
