Marathi Movie : 'एकदा येऊन तर बघा’ या महिन्यात तुमच्या भेटीला
पुढारी ऑनलाईन डेस्क : ‘एकदा येऊन तर बघा’ या मराठी चित्रपटाचे रसिक प्रेक्षक गेल्या अनेक दिवसांपासून वाट पाहत आहेत. चित्रपटाची घोषणा झाल्यापासून चित्रपटाची प्रेक्षकांमध्ये जोरदार चर्चा सुरु आहे. (Marathi Movie ) १४ विनोदवीर एकत्र आणत दिग्दर्शक प्रसाद खांडेकर यांनी विनोदाची जबरदस्त मेजवानी रसिकांसाठी आणली आहे. हा चित्रपट २४ नोव्हेंबरला प्रदर्शित होणार होता ,पण आता या चित्रपटाच्या प्रदर्शनाची तारीख बदलण्यात आली आहे. ‘एकदा येऊन तर बघा’ आता २४ नोव्हेंबर ऐवजी ८ डिसेंबरला तुमच्या भेटीला येणार आहे. आता प्रेक्षकांना या चित्रपटाची मेजवानी ८ डिसेंबरला चित्रपटगृहात जाऊन घेता येईल. (Marathi Movie )
संबंधित बातम्या –
- Film Producer Kevin Turen : हिट सीरीज यूफोरियाचे निर्माते केविन ट्यूरेन यांचे निधन
- Abdul Razzaq : ऐश्वर्या रायशी लग्न…वादग्रस्त वक्तव्य केल्याने पाकिस्तानचा माजी क्रिकेटर अब्दुल रज्जाक ट्रोल
- राणी मी होणार : मीरा होणार मल्हारची राणी, लवकरच लगीनघाई
दिवाळीमध्ये चित्रपटगृहांमधील हिंदी-मराठी चित्रपटांची वाढलेली गर्दी लक्षात घेता ८ डिसेंबरला चित्रपट प्रदर्शित करण्याचा निर्णय चित्रपटाच्या टीमने घेतला आहे.
प्रसाद खांडेकर दिग्दर्शित ‘एकदा येऊन तर बघा’ या चित्रपटाची निर्मिती परितोष पेंटर, राजेशकुमार मोहंती, दीपक क्रिशन चौधरी, सेजल दिपक पेंटर यांची आहे. सहनिर्मिती अश्विन पद्मनाभन, सत्यनारायण मूरथी, डॉ. झारा खादर यांची आहे. लेखक अभिनेता प्रसाद खांडेकर ‘एकदा येऊन तर बघा’ या चित्रपटाच्या निमित्ताने दिग्दर्शकीय पदार्पण करीत आहे. सयाजी शिंदे, भाऊ कदम, विशाखा सुभेदार,गिरीश कुलकर्णी,तेजस्विनी पंडित, पॅडी कांबळे, प्रसाद खांडेकर, नम्रता संभेराव, ओंकार भोजने, राजेंद्र शिसातकर वनिता खरात, शशिकांत केरकर, रोहित माने, सुशील इनामदार आदि कलाकारांची भली मोठी फौज चित्रपटात आहे.