Bhola Shankar Movie : चिरंजीवी-तमन्ना भाटियाने कोलकात्यात केलं शूटिंग सुरू

पुढारी ऑनलाईन डेस्क : तमन्ना भाटिया २०२३ मध्ये विविध प्रोजेक्टमध्ये व्यस्त असून ती अनेक आगामी प्रोजेक्ट करत आहे. चिरंजीवी यांच्यासोबत शेड्यूल पूर्ण केल्यानंतर, अभिनेत्री आता नवीन शेड्यूलच्या शूटिंगसाठी भोला शंकर चित्रपटासाठी कोलकातामध्ये आली आहे. तमन्ना भाटिया आणि चिरंजीवी कोलकातामध्ये शूटिंग करताना दिसले.

कोलकात्याच्या व्हिक्टोरिया मेमोरियल हॉलजवळ हे दोघे स्पॉट झाले होते. कॅमेरा ऑन आणि ऑफ त्यांच्या शेड्यूलमधील काही क्षणही व्हायरल झाले आहेत. चाहते सोशल मीडियावर याबद्दल अनेक चर्चा करताना दिसतात. तमन्ना भाटिया एका वेगळ्या अवतारात यात दिसणार आहे आणि तिच्या लूकमुळे सगळ्यांना याची उत्सुकता आहे. तमन्ना भाटियाने याआधीही तिच्या सोशल मीडियावर काही बीटीएस शेअर केले होते ज्यात परफेक्ट शॉटच्या मागे काय घडतंय हे दाखवते.

या चित्रपटात कीर्ती सुरेश त्याच्या लहान बहिणीची भूमिका साकारत आहे. दुसरीकडे तमना भाटिया भोला शंकरच्या प्रेमाच्या भूमिकेत दिसत आहे. हा चित्रपट ११ ऑगस्ट २०२३ रोजी रिलीज होणार आहे.

तमन्ना भाटियाकडे जी कारदा, जेलर आणि लस्ट स्टोरीज हे आगामी प्रोजेक्ट आहेत.