उर्फी जावेद हिने परीधान केला पोत्यांचा बनलेला ड्रेस

पुढारी ऑनलाईन डेस्क : बिग बॉस ओटीटी (Bigg Boss OTT) फेम उर्फी जावेद (Urfi Javed) ही आपल्या चित्र-वित्र फॅशनमूळे नेहमी चर्चेत असणारी अभिनेत्री. हटके आणि  शॉर्ट कपडे हे आता उर्फीचे समीकरण बनले आहे. बऱ्याचवेळा तिच्या फॅशन्स ( Urfi Javed Photodress) पाहुन चाहते म्हणतात ' हद कर दी आपने…'

उर्फी जावेद (Urfi Javed) विचीत्र फॅशनमूळे नेटकऱ्यांकडुन ती बऱ्याचवेळा  ट्रोल (Troll) झाली आहे आणि चर्चेत आली आहे. आता ती पुन्हा एकदा चर्चेत आली आहे. पुन्हा एकदा ती असा काही ड्रेस घेऊन आली आहे. उर्फीने तिच्या इन्स्टाग्राम अकाऊंटवर एक व्हिडिओ शेअर केला आहे, ज्यामध्ये ती पहिल्यांदा हातात पोते घेवून येते आणि त्याचे काय करता येईल याचा विचार करते. दुसऱ्याच क्षणी ती आपल्यासमोर उर्फी पोत्याच्या ड्रेसमध्ये उभी असलेली दिसते.

आतापर्यंत उर्फीने विविध प्रकारचे विचित्र पोशाख परिधान केले आहेत. मात्र यावेळी फॅशनच्या सर्व मर्यादा ओलांडत तिने पोत्याचा ड्रेस तयार केला आहे. होय, तेच पोते… जे सामान्यतः भाज्या आणि रेशन सारख्या गोष्टी भरण्यासाठी वापरले जाते. आता विचार करा उर्फीने या पोत्याचा ड्रेस कसा बनवला असेल.

पोत्याचा टॉप आणि स्कर्ट परिधान केलेली उर्फीने अवघ्या 10 मिनिटांत हा ड्रेस बनवला आहे. आता मात्र युजर्स या ड्रेसची खिल्ली उडवत आहेत. उर्फी आताच ट्रोल झाली नाहीतर याअगोदरही ती ट्रोल झाली आहे. ती सोशल मीडियावर बरीच सक्रिय असते.