पुढारी ऑनलाईन डेस्क
अभिनेता नवाजुद्दीन सिद्दीकीने मालदीवमध्ये सुट्टीचा आनंद घेऊन फोटो शेअर करणाऱ्या सेलिब्रिटींना अत्यंत कडक शब्दात फटकारले आहे. सेलीब्रेटींच्या फोटो पोस्ट करण्यावरून जेव्हा त्याला विचारण्यात आले असता तो म्हणाला की, जग सर्वांत वाईट मंदीतून जात असताना सेलिब्रिटी त्यांच्या सुट्टीचे फोटो पोस्ट करत आहेत.
अधिक वाचा : 'तो' किस करून गेला अन् अर्शीला झाला कोरोना?
लोकांना अन्न नाही, तुम्ही पैसे फेकत आहात
स्पॉटबॉयच्या वृत्तानुसार, नवाज पुढे म्हणाला की, लोकांकडे खायला अन्न नाही आणि आपण पैसे फेकत आहात. थोडी लाज बाळगा. मला असे वाटते की सुट्टीवर जाणे चुकीचे नाही, जेवढे दाखवायचे आहे. पण ते कोणत्या गोष्टीवर चर्चा करतील? अभिनय? ते दोन मिनिटांत प्रवाहातून बाहेर पडतील.
अधिक वाचा : कोरोनाच्या भीतीने राखी सावंत पीपीई किट घालून बाजारात (Video)
यांनी मालदीवचा तमाशा केला
नवाज म्हणाला की, या लोकांनी मालदीवचा तमाशा केला आहे. पर्यटन उद्योगात काय व्यवस्था आहे हे मला माहित नाही. परंतु माणूस म्हणून आपली सुट्टी मर्यादित ठेवा. इकडे सर्वत्र दु:ख आहे. कोविडची प्रकरणे झेप घेत वाढत आहेत जर तुम्हाला हृदय असेल तर कृपया जे पीडित आहेत त्यांना त्रास देऊ नका.
अधिक वाचा : विराटचा 'फ्लाईंग कीस' अनुष्कासाठी नव्हे तर…(Video)
बरेच सेलिब्रिटी मालदीवमध्ये गेले आहेत, बरेच परतले आहेत
नवाजचे विधान अशा वेळी आले आहे जेव्हा बॉलिवूडमधील रणबीर कपूर-आलिया भट्ट, टायगरश्रॉफ-दिशा पटनी, सारा अली खान सारख्या अनेक सेलेब्रिटी सुट्टीसाठी मालदीवमध्ये गेले आहेत. माधुरी दीक्षित, जान्हवी कपूर सारख्या अनेक सेलिब्रिटी सुट्टीनंतर मुंबईला परतल्या आहेत आणि त्यांच्या सुट्टीच्या आठवणी सोशल मीडियावर शेअर करत आहेत.