मुंबई; पुढारी ऑनलाईन: सुपरस्टार अंकुश चौधरी तब्बल १५ वर्षांनंतर छोट्या पडद्यावर दमदार एन्ट्रीसाठी सज्ज झाला आहे. २१ ऑगस्टपासून सुरु होणाऱ्या 'मी होणार सुपरस्टार' या डान्स रिअलिटी शोमध्ये अंकुश चौधरी सुपर जजची जबाबदारी पार पाडणार आहे.
संपूर्ण महाराष्ट्रातले टॅलेण्ट या डान्सच्या मंचावर अवतरणार आहे. त्यामुळे सुपरस्टार होण्याचं कुणाचं स्वप्न पूर्ण होणार याची उत्सुकता शिगेला पोहोचली आहे.
अधिक वाचा
नृत्याचे वेगवेगळे प्रकार तितक्याच हटके पद्धतीने 'मी होणार सुपस्टार' च्या मंचावर सादर होणार आहेत. त्यामुळे स्पर्धा अटीतटीची आहे. या स्पर्धकांमधून सुपरस्टार निवडण्याची जबाबदारी अंकुश चौधरीच्या खांद्यावर आहे.
या रिॲलिटी शोविषयी सांगताना अंकुश चौधरी म्हणाला, 'पंधरा वर्षांनंतर पुन्हा एकदा छोट्या पडद्याकडे वळताना अतिशय आनंद होत आहे. विशेष म्हणजे, मी जजची भूमिका पहिल्यांदाच पार पाडतो आहे. डान्स हा माझ्या अतिशय आवडीचा विषय आहे.
अधिक वाचा
या शोमध्ये जरी मी जज असलो तरी मी टीव्हीसमोर बसलेल्या प्रेक्षकांच्या प्रतिनिधीची जबाबदारी पार पाडणार आहे. फरक एवढाच असेल की, प्रेक्षक या कार्यक्रमाचा आनंद घरबसल्या घेतील आणि मी प्रत्यक्ष घेईन.
मी होणार सुपरस्टार हा कार्यक्रम नवी ऊर्जा घेऊन येणार आहे. पुन्हा एकदा तीच उर्मी आणि तोच उत्साह या कार्यक्रमाच्या निमित्ताने अनुभवायला मिळेल. त्यामुळे मी या शोसाठी प्रचंड उत्सुक आहे.'
अधिक वाचा
तेव्हा पाहायला विसरु नका मी होणार सुपरस्टार २१ ऑगस्टपासून दर शनिवार आणि रविवार रात्री ९ वाजता फक्त स्टार प्रवाहवर.
हेही वाचलंत का?
