पुढारी ऑनलाइन डेस्क : PM Modi Egypt Visit : पंतप्रधान नरेंद्र मोदी हे दोन दिवसीय इजिप्त दौऱ्यावर आहेत. अरब राष्ट्र दौऱ्याचा भाग म्हणून त्यांनी इजिप्तला भेट दिली. शनिवारी पंतप्रधान नरेंद्र मोदींचे इजिप्तमध्ये जंगी स्वागत झाले. पंतप्रधान नरेंद्र मोदी यांनी विचारवंत नेत्यांची भेट घेतली. तसेच यावेळी त्यांनी सहकार्य उर्जा-सुरक्षा यावर चर्चा केली.
पंतप्रधान नरेंद्र मोदी यांनी इजिप्तमधील कैरो येथे हसन अल्लम प्रॉपर्टीजचे सीईओ मोहम्मद मेधात हसन अल्लम यांची भेट घेतली. हसन अल्लम हे मध्य पूर्व आणि उत्तर आफ्रिकन प्रदेशात कार्यरत असलेल्या सर्वात मोठ्या इजिप्शियन कंपन्यांपैकी एक आहे. हसन अल्लम यांच्याशी पंतप्रधान मोदींनी फलदायी चर्चा केली. परराष्ट्र व्यवहार मंत्रालयाचे अधिकृत प्रवक्ते अरिंदम बागची यांनी ट्विट करून याची माहिती दिली.
एएनआयशी बोलताना हसन अल्लम म्हणाले की, त्यांना पंतप्रधान मोदींसोबतची भेट माहितीपूर्ण, शैक्षणिक आणि प्रेरणादायी वाटली.
"मला त्यांच्या सोबतची बैठक माहितीपूर्ण, शैक्षणिक आणि प्रेरणादायी वाटली. एक खाजगी क्षेत्रातील कंपनी म्हणून, आम्हाला भारताच्या खाजगी क्षेत्राकडून खूप काही शिकण्यासारखे आहे. पंतप्रधान मोदींच्या नेतृत्वाखाली, पायाभूत सुविधांच्या जगात भारताच्या खाजगी क्षेत्राचा प्रचंड विकास झाला, इंजिनीअरिंग आणि मॅन्युफॅक्चरिंग. मला पंतप्रधान मोदींसोबत भेटण्याचा विशेषाधिकार मिळाला. या भेटीत मला त्यांच्याकडून खूप मौल्यवान अंतर्दृष्टी आणि सल्ला मिळाला." असे ते म्हणाले.
दोन्ही नेत्यांनी अक्षय ऊर्जा आणि ग्रीन हायड्रोजनमध्ये भारतीय कंपन्यांसोबत जवळचे सहकार्य वाढवण्याच्या शक्यतांवर चर्चा केली.
पंतप्रधान मोदींनी कैरोमध्ये प्रसिद्ध लेखक आणि पेट्रोलियम स्ट्रॅटेजिस्ट तारेक हेगी यांचीही भेट घेतली आणि जागतिक भूराजनीती आणि ऊर्जा सुरक्षा या विषयांवर चर्चा केली.
"पंतप्रधान नरेंद्र मोदींनी कैरो, इजिप्त येथे इजिप्शियन लेखक आणि राजकीय विचारवंत तारेक हेग्गी यांची भेट घेतली. पंतप्रधान @narendramodi आणि प्रसिद्ध लेखक आणि पेट्रोलियम स्ट्रॅटेजिस्ट @heggy_tarek यांच्यात एक आकर्षक संभाषण झाले.", असे ट्विट MEA चे प्रवक्ते बागची यांनी केले.
बागची म्हणाले, "चर्चेत जागतिक भू-राजकारण, ऊर्जा सुरक्षा, कट्टरतावाद आणि लैंगिक समानता या विषयांवर चर्चा झाली.
इजिप्तचे राष्ट्राध्यक्ष अब्देल फताह अल-सिसी (Egyptian President Abdel Fattah El-Sisi) यांच्या निमंत्रणावरून पंतप्रधान नरेंद्र मोदी (Prime Minister Narendra Modi) शनिवारी दोन दिवसांच्या राजकीय दौऱ्यासाठी कैरो (Cairo) येथे दाखल झाले. येथील विमानतळावर इजिप्तचे पंतप्रधान मुस्तफा मादबौली (Prime Minister Mostafa Madbouly) यांनी मोदींचे स्वागत केले. कैरोमध्ये पोहोचल्यावर पंतप्रधान मोदींना 'गार्ड ऑफ ऑनर' देण्यात आला. गेल्या २६ वर्षात भारतीय पंतप्रधानांची इजिप्तची ही पहिलीच भेट आहे. मोदी रविवारी इजिप्तचे राष्ट्राध्यक्ष अब्देल फताह अल-सिसी यांची भेट घेणार आहेत. (PM Modi In Egypt)
मोदी रविवारी अल-सिसी यांच्याशी चर्चा करतील आणि दोन प्रमुख देशांमधील धोरणात्मक भागीदारीला चालना देण्याच्या मार्गांवर चर्चा करतील. पंतप्रधानांनी मंगळवारी नवी दिल्ली येथे आपल्या प्रस्थानाच्या निवेदनात म्हटले, "एक जवळच्या आणि मैत्रीपूर्ण देशाला (इजिप्त) माझा पहिला राजकीय दौरा करताना मला खूप आनंद होत आहे." समारंभात प्रमुख पाहुणे म्हणून राष्ट्रपती सिसी यांचे स्वागत करण्याचा बहुमान मिळाला. या दोन भेटी, काही महिन्यांच्या अंतराने, इजिप्तसोबतच्या आमच्या जलद-विकसित भागीदारीची झलक देतात, जी राष्ट्राध्यक्ष सिसी यांच्या भेटीदरम्यान "रणनीतिक भागीदारी" मध्ये बदलली होती.
हे ही वाचा :
