पिंपरी: पिंपरी येथील लालबहादूर शास्त्री भाजी मंडईत रविवार (दि. 4) पालेभाज्यांची आवक झाल्याने गेल्या आठवड्याच्या तुलनेत दर स्थिर आहेत. तर मकर संक्रांतीमुळे पावट्याच्या भावात वाढ झाली होती. शंभर रूपये किलो भाव असलेल्या लसणाचे दरही वाढला आहे. बाजारात जळगाव येथील भरीताच्या वांग्यांची आवक झाली आहे. वाटाणा, गाजर 40 ते 50 रूपये किलो दराने विक्री केली जात आहे; मात्र शेवगा 300 ते 400 रूपये प्रतिकिलोने विक्री केला जात आहे.
पालेभाज्यांमध्ये मेथी, शेपू, पालक यांचे दर 20 रूपये प्रति जुडी होते. फळभाज्यांमध्ये काकडी, तोंडली आणि भेंडी यांच्या दरात वाढ झाली असून इतर भाज्यांचे दर 20 ते 25 रूपयांनी वाढले आहेत. हिरवी मिरचीचा दर काही प्रमाणात वाढला आहे. कांदे 20 - 30 रूपये किलो दराने विक्री केली जात आहे. लसूण 180 रूपये तर आले 80 रूपये किलो दराने उपलब्ध होते.
फळभाज्यांचे दर पुढीलप्रमाणे :
रविवारी बाजारात गवार 150 रुपये किलो, शेवगा 300, वाटाणा 50, टोमॅटो 40, भेंडी 80, फ्लॉवर 50, कोबी 30, मिरची 70, गाजर 40, शिमला 70, लसूण 160, आले 70, वांगी 40, काकडी 40, कारले 80, कांदे 10 - 15 रुपये किलो, बटाटा 30, बिन्स 70, पावटा 70, लाल भोपळा 50, घोसाळी 60, दोडका 70, बीट 40, दुधी 50, तर घेवडा 70 रुपये किलो दराने विक्री केली जात आहे.
पिंपरी बाजारातील दर पालेभाज्यांचे दर (रु.) प्रति जुडी
कोथिंबीर 10 - 20 रुपये, मेथी 20, पालक 20, शेपू 20, राजगिरा 20, पुदिना 10, मुळा 20, चवळई 20, लाल माठ 20, कांदापात 20, करडई 20, आळू पाने 15 रुपये जुडी, चुका 20 रुपये प्रति जुडी विक्री केली जात आहे.
फळभाज्यांचे : किलोचे भाव (किरकोळ रु.)
शेवगा 350 रुपये, गवार 180 - 200, पावटा 90 - 100, तोंडली 100, मटार 50, बीट 50, वाल 90, दोडका 90, कारली 80, भरताची वांगी 60, भेंडी 70 - 80, मिरची 80, फ्लॉवर 60, कोबी 50, वांगी 100, तोंडली 90 - 100, घोसळे 70, पडवळ 90, दुधी भोपळा 60, पापडी 80, परवल 80, सुरण 80, मद्रास काकडी 50, सिमला 80, राजमा 80 काळा, राजमा लाल 80, बिन्स 70, चवळी 50 - 60 रुपये, गाजर 50 रुपये किलो, आवळा 60 - 70, रताळी 60 - 70, तर टोमॅटो 50 रुपये किलो दराने विक्री केली जात आहे.
मोशी उपबाजारातील घाऊक दर (प्रतिकिलो रु.)
कांदा 10, बटाटा 15, आले 40, लसूण 80, भेंडी 50, गवार 100 , टोमॅटो 30, वाटाणा 30, घेवडा 40, दोडका 50, हिरवी मिरची 50, दुधी भोपळा 30, काकडी 25, कारली 35, गाजर 30, फ्लॉवर 30, कोबी 20, वांगी 50, ढोबळी 45, तोंडली 0, बीट 25, शेवगा 300, घोसाळी 35, मका कणीस 15 रुपये प्रतिकिलो दर होते.
मोशी उपबाजारातील दर, आवक (क्विंटल):
फळभाजी 5561, पालेभाजी 77500 (गड्डी), फळे आवक 634, कांदा 774, बटाटा986, आले 61, लसूण 25, भेंडी 119, गवार 8, टोमॅटो 706, वाटाणा 786, घेवडा 58, दोडका 9, हिरवी मिरची 141, दुधी भोपळा 68, काकडी 127, कारली 31, डांगर 34, गाजर 262, फ्लॉवर 417, कोबी 369, वांगी 198, ढोबळी 75, बीट 37, शेवगा 6, लिंबू 89, मका कणीस 32, रताळी 19 क्विंटल इतकी आवक झाली.
