Middle East War: इराण, इस्त्रायल आणि अमेरिका यांच्यातील युद्ध आता २५ व्या दिवशी पोहचलं आहे. जरी अमेरिकेनं पाच दिवसाचे सीज फायर घोषित केलं असलं तरी इराणने मात्र इस्त्रायलवर हल्ले करणे सुरूच ठेवले आहे. त्यातच आचा मध्य पूर्वेची अमेरिकेचे सहकारी देश सौदी अरेबिया, युएई यांनी काही मोठे निर्णय घेतल्याचे समोर येत आहे. द वॉल स्ट्रीट जर्नलने दिलेल्या वृत्तानुसार सौदी आणि युएईने अमेरिकेला इराणविरूद्धच्या युद्धात त्यांचे लष्करी बेस वापरण्यास परवानगी दिली आहे. त्यातच भारताचे संरक्षण मंत्री राजनाथ सिंह यांनी देखील उच्चस्तरीय बैठक बोलावली होती.
द वॉल स्ट्रीट जर्नलने दिलेल्या वृत्तानुसार सैदी अरेबियाने किंग फाहद एअर बेस अमेरिकेच्या लष्कराला वापरण्यासाठी सहमती दर्शवली आहे. यापूर्वी सौदी आणि काही आखाती देशांनी इराणविरूद्ध त्यांच्या भूमीचा वापर करण्याची परवानगी दिली नव्हती. आता या भूमिकेत बदल होताना दिसत आहे.
दुसरीकडे युएईने इराणशी संबंधित एसेट्सविरूद्ध करावाई करण्यास सुरूवात केली आहे. त्यांनी इराणी लोकांच्या मालकीची असलेली हॉस्पिटल्स आणि क्लब बंद करण्यास सुरूवात केली आहे. हे पाऊल इराणचे सपोर्ट नेटवर्क उद्ध्वस्त करण्याच्या उद्देशाने उचलण्यात आलं आहे.
काही वर्तमानपत्रात इराणवर दागण्यात आलेली मिसाईल्स ही बेहरीनमधून लाँच झाल्याचा दावा करण्यात आला आहे. यामुळं या भागातील युद्धाची कक्षा अजून रूंदावण्याची शक्यता आहे.
दरम्यान, भारतात देखील या घडामोडींचे पडसाद पडताना दिसत आहेत. पंतप्रधान नरेंद्र मोदी यांनी संसदेच्या दोन्ही सभागृहात सध्याच्या जागतिक परिस्थितीत भारताची तयारी कशी आहे याची माहिती दिली. दरम्यान, आज संरक्षण मंत्री राजनाथ सिंह यांनी सकाळी उच्चस्तरीय बैठक बोलावली होती. यावेळी मध्यपूर्व आशियातील परिस्थितीचा आढावा घेण्यात आला. त्यानंतर आता सरकारनं उद्या सायंकाळी ५ वाजता सर्वपक्षीय बैठक बोलवली आहे.
