Rajasthan Election : 199 जागा; 74.96 टक्के मतदान!

जयपूर, वृत्तसंस्था : राजस्थानातील 199 विधानसभा मतदारसंघांतून टपालाद्वारे तसेच घरातून झालेल्या मतदानासह 74.96 टक्के मतदान झाले. निवडणूक आयोगाकडून रात्री उशिरा प्राप्त झालेल्या या आकड्याने गत निवडणुकांतील मतदानाचे उच्चांक मोडित काढले आहेत. 2018 च्या निवडणुकीत 74.06 टक्के मतदान झाले होते.

सर्वांत कमी 65.12 टक्के मतदान पाली जिल्ह्यात, तर सर्वाधिक 82.32 टक्के मतदान जैसलमेर जिल्ह्यात झाले. जैसलमेर जिल्ह्यातील पोखरण विधानसभा मतदार संघात सर्वाधिक 87.79 टक्के, तर पाली जिल्ह्यातील मारवाड जंक्शन मतदार संघात सर्वांत कमी 60.10 टक्के मतदान झाले.