नवी दिल्ली : देशातील अनेक भागांसाठी दिलासादायक बातमी असून, नैऋत्य मान्सूनच्या पुढील वाटचालीस पोषक हवामान निर्माण झाले आहे. भारतीय हवामान विभागाच्या अंदाजानुसार, येत्या २४ तासांत मान्सून गुजरातचे काही भाग, विदर्भ, छत्तीसगड आणि ओडिशाच्या आणखी काही भागांमध्ये दाखल होण्याची शक्यता आहे. यामुळे या प्रदेशांतील नागरिकांना उकाड्यापासून दिलासा मिळण्याची चिन्हे आहेत.
मान्सूनचा हा प्रवास इथेच थांबणार नसून, पुढील ३ दिवसांत पश्चिम बंगाल, झारखंड, बिहार आणि पूर्व उत्तर प्रदेशच्या काही भागांमध्येही त्याच्या आगमनाची शक्यता वर्तवण्यात आली आहे. त्यामुळे या राज्यांमध्येही लवकरच पावसाच्या सरी बरसण्यास सुरुवात होऊ शकते.
हवामान विभागाने दिलेल्या माहितीनुसार, मान्सून सध्या सक्रिय अवस्थेत असून, त्याचा प्रभाव विशेषतः दक्षिण द्वीपकल्पीय भारत, कोकण आणि गोवा या किनारपट्टीच्या भागांवर अधिक दिसून येणार आहे. या भागांमध्ये १६ जून २०२५ पर्यंत काही ठिकाणी मुसळधार ते अतिमुसळधार पावसाचा अंदाज आहे.
इतकेच नव्हे तर, काही ठिकाणी अत्यंत जोरदार म्हणजेच २० सेंटीमीटरहून अधिक पावसाची नोंद होण्याची शक्यताही वर्तवण्यात आली आहे. या पार्श्वभूमीवर, संबंधित भागांतील प्रशासनाने नागरिकांना सतर्कतेचा इशारा दिला असून, समुद्राजवळ न जाण्याचे आणि आवश्यक ती काळजी घेण्याचे आवाहन केले आहे. मच्छिमारांनाही समुद्रात न जाण्याच्या सूचना देण्यात आल्या आहेत.
तामिळनाडू, पुद्दुचेरी, कराईकल : १५ आणि १६ जून रोजी विजांच्या कडकडाटासह हलका ते मध्यम पाऊस आणि ताशी ४०-५० किमी वेगाने वारे वाहण्याची शक्यता. १६ जून रोजी काही ठिकाणी अतिवृष्टी (२० सेमी पेक्षा जास्त) तर १७ जून रोजी मुसळधार पावसाचा अंदाज.
तेलंगणा : १५ ते १९ जून दरम्यान विजांच्या कडकडाटासह हलका ते मध्यम पाऊस आणि ताशी ४०-५० किमी वेगाने वारे. १५ जून रोजी काही ठिकाणी मुसळधार पावसाची शक्यता.
केरळ आणि माहे : १८ आणि १९ जून रोजी मुसळधार पाऊस. १५ ते १७ जून दरम्यान काही ठिकाणी अतिवृष्टीचा (२० सेमी पेक्षा जास्त) इशारा. १५ ते १७ जून दरम्यान ताशी ४०-६० किमी वेगाने जोरदार वारे.
कर्नाटक : १६ ते १८ जून दरम्यान मुसळधार पाऊस. १५ ते १७ जून दरम्यान काही ठिकाणी अतिवृष्टीचा (२० सेमी पेक्षा जास्त) इशारा, विशेषतः १५ आणि १६ जून रोजी किनारपट्टी कर्नाटकात.
गुजरात : १५ ते १७ जून दरम्यान विजांच्या कडकडाटासह हलका ते मध्यम पाऊस आणि ताशी ३०-४० किमी वेगाने वारे. १५ आणि १६ जून रोजी गुजरात विभागातील काही ठिकाणी खूप मुसळधार पावसाची शक्यता.
कोकण आणि गोवा : १८ ते २१ जून दरम्यान मुसळधार पाऊस. १५ ते १८ जून दरम्यान काही ठिकाणी खूप मुसळधार तर १५ आणि १६ जून रोजी काही ठिकाणी अतिवृष्टीचा (२० सेमी पेक्षा जास्त) इशारा.
मध्य महाराष्ट्र, सौराष्ट्र आणि कच्छ: १८ ते २१ जून दरम्यान मुसळधार पाऊस. १५ ते १७ जून दरम्यान काही ठिकाणी खूप मुसळधार पावसाची शक्यता.
अंदमान आणि निकोबार बेटे, उप-हिमालयीन पश्चिम बंगाल आणि सिक्कीम: १५ जून रोजी विजांच्या कडकडाटासह हलका ते मध्यम पाऊस आणि ताशी ४०-५० किमी वेगाने वारे. उप-हिमालयीन पश्चिम बंगाल आणि सिक्कीममध्ये १६ ते २० जून दरम्यान मुसळधार आणि १५ जून रोजी खूप मुसळधार पावसाची शक्यता.
मध्य प्रदेश, विदर्भ, छत्तीसगड : १५ ते १९ जून दरम्यान विजांच्या कडकडाटासह हलका ते मध्यम पाऊस आणि ताशी ४०-५० किमी वेगाने वारे. पश्चिम मध्य प्रदेशात १५, २० आणि २१ जून रोजी, तर पूर्व मध्य प्रदेश, छत्तीसगड आणि विदर्भात १६ ते २० जून दरम्यान मुसळधार पावसाचा अंदाज. पूर्व मध्य प्रदेशात १९ आणि २० जून रोजी, तर छत्तीसगडमध्ये १७ जून रोजी खूप मुसळधार पावसाची शक्यता. पश्चिम मध्य प्रदेशात १५ आणि १६ जून, पूर्व मध्य प्रदेशात १६ ते १९ जून आणि छत्तीसगडमध्ये १५ आणि १६ जून रोजी ताशी ५०-६० किमी (कमाल ७० किमी) वेगाने वादळी वाऱ्याचा इशारा.
गंगाकिनारी पश्चिम बंगाल, बिहार, झारखंड, ओडिशा : १५ ते २० जून दरम्यान विजांच्या कडकडाटासह हलका ते मध्यम पाऊस आणि ताशी ४०-५० किमी वेगाने वारे. गंगाकिनारी पश्चिम बंगाल आणि बिहारमध्ये १५ ते २१ जून, झारखंड आणि ओडिशामध्ये १६ ते २० जून दरम्यान मुसळधार पावसाचा अंदाज. गंगाकिनारी पश्चिम बंगालमध्ये १७ जून, झारखंड आणि ओडिशामध्ये १७ आणि १८ जून, तर बिहारमध्ये १८ आणि १९ जून रोजी खूप मुसळधार पावसाची शक्यता. झारखंड, बिहारमध्ये १५ जून आणि १६ जून रोजी ताशी ५०-६० किमी (कमाल ७० किमी) वेगाने वादळी वाऱ्याचा इशारा.
१५ ते २१ जून दरम्यान विजांच्या कडकडाटासह हलका ते मध्यम पाऊस आणि ताशी ४०-५० किमी वेगाने वारे.
उत्तराखंड, पंजाब, हरियाणा : १५ जून रोजी ताशी ५०-६० किमी (कमाल ७० किमी) वेगाने वादळी वाऱ्याचा इशारा. उत्तराखंडमध्ये १५ जून रोजी मुसळधार आणि १६ ते २१ जून दरम्यान खूप मुसळधार पावसाची शक्यता. हरियाणामध्ये १५ आणि २१ जून रोजी मुसळधार पाऊस आणि १५ जून रोजी उत्तर हरियाणामध्ये गारपिटीची शक्यता.
राजस्थान : १५ ते १७ जून दरम्यान ताशी ५०-६० किमी (कमाल ७० किमी) वेगाने वादळी वारे. पश्चिम राजस्थानमध्ये १५ जून रोजी धुळीचे वादळ (ताशी ५०-६० किमी, कमाल ७० किमी). पूर्व राजस्थानमध्ये १५, १६, २० आणि २१ जून रोजी, तर पश्चिम राजस्थानमध्ये १६ जून रोजी मुसळधार पावसाचा अंदाज.
उत्तर प्रदेश : पश्चिम उत्तर प्रदेशात १५ आणि १८ ते २१ जून, तर पूर्व उत्तर प्रदेशात १८ ते २१ जून दरम्यान मुसळधार पावसाची शक्यता.
हिमाचल प्रदेश : २० आणि २१ जून रोजी मुसळधार पावसाची शक्यता.
पुढील ७ दिवस विजांच्या कडकडाटासह हलका ते मध्यम पाऊस आणि ताशी ३०-५० किमी वेगाने वारे.
अरुणाचल प्रदेश, आसाम आणि मेघालय : १५ आणि १६ जून रोजी मुसळधार पाऊस. आसाम आणि मेघालयात १६ ते २१ जून, तर अरुणाचल प्रदेशात १७ ते २१ जून दरम्यान खूप मुसळधार पावसाची शक्यता.
नागालँड, मणिपूर, मिझोराम आणि त्रिपुरा : पुढील ७ दिवस मुसळधार पावसाचा अंदाज.
उष्णतेची लाट आणि दमट हवामान : पूर्व उत्तर प्रदेश आणि बिहारमध्ये १५ जून रोजी उष्ण आणि दमट हवामानाचा अंदाज.
