Viral Video: "मला कॉपर-टी बसवायची आहे..." प्रियकरासोबत आलेल्या अल्पवयीन मुलीची मागणी ऐकून डॉक्टरही हादरल्या!
Viral Video
नवी दिल्ली : अनेकदा डॉक्टरांसमोरही अशी काही प्रकरणे येतात, जी समजून घेणे आणि हाताळणे त्यांच्यासाठी कठीण होऊन बसते. असेच एक प्रकरण एका स्त्रीरोगतज्ञांसमोर आले होते. एक अल्पवयीन मुलगी तिच्या बॉयफ्रेंडसोबत रुग्णालयात पोहोचली. तिथे गेल्यावर तिने 'कॉपर-टी' बसवण्याची मागणी केली. हे पाहून डॉक्टर स्वतः आश्चर्यचकित झाल्या.
मुलीने केली कॉपर-टीची मागणी
इन्स्टाग्रामवर डॉ. सुप्रिया यांनी त्यांना आलेला हा संपूर्ण अनुभव एका व्हिडिओद्वारे शेअर केला आहे. डॉ. सुप्रिया सांगतात की, सरकारी रुग्णालयात काम करताना त्यांनी अशा अनेक घटना पाहिल्या ज्यांनी त्यांना हादरवून सोडले. त्यापैकीच एक प्रकरण म्हणजे, एक अल्पवयीन मुलगी गावातील एका रुग्णालयात एका मुलासोबत आली होती. तो तिचा प्रियकर होता की आणखी कोणी हे माहीत नाही, पण त्या मुलीने थेट सांगितले की तिला कॉपर-टी बसवायची आहे.
डॉक्टर पुढे सांगतात की, त्या मुलीने कोणत्याही संकोचाशिवाय किंवा विचार न करता थेट कॉपर-टीची मागणी केली. तिला या विषयाची कोणतीही माहिती किंवा जागरूकता नव्हती; केवळ एक लहान मुलगी मोठ्या माणसांसारखे निर्णय घेण्याचा प्रयत्न करत होती. तिला वाटत होते की ही एक सामान्य आणि योग्य गोष्ट आहे.
कुटुंबाने सुनेला रक्तदान करण्यास दिला नकार
डॉ. सुप्रिया आणखी एका घटनेबद्दल सांगतात, एका कुटुंबाने त्यांच्या सुनेसाठी रक्तदान करण्यास नकार दिला. महिलेला तीव्र प्रसूती वेदना होत होत्या, खूप रक्तस्त्राव होत होता आणि तिला तातडीने रक्ताची गरज होती. इतक्या गंभीर स्थितीतही कुटुंबातील सदस्य म्हणाले, ते रुग्णालयाचे काम आहे, आमचे नाही. तुम्ही व्यवस्था करा."
