Amit Shah News | सुरक्षा आणि कायदा एजन्सींनी केंद्राचा दृष्टिकोन स्वीकारावा; अमित शाह
पुढारी ऑनलाईन डेस्क: केंद्रीय गृहमंत्री अमित शाह यांनी आज (दि.२० जुलै) नवी दिल्ली येथे विविध सुरक्षा आणि कायद्याची अंमलबजावणी करणाऱ्या एजन्सींच्या प्रमुखांसमवेत एक उच्चस्तरीय बैठक घेतली. ज्याचा सामना करण्यासाठी जबाबदार असलेल्या इंटेलिजन्स ब्युरोच्या (IB) मल्टी एजन्सी सेंटरच्या (MAC) कामकाजाचा आढावा घेतला. तसेच देशापुढील सुरक्षा आव्हानांवर सखोल चर्चा देखील केली.
गुप्तचर, अंमलबजावणी आणि सुरक्षा संस्थांना निर्देश पाळण्याच्या सूचना
बैठकीला संबोधित करताना, केंद्रीय गृहमंत्र्यांनी देशभरातील गुप्तचर आणि अंमलबजावणी संस्थांसह विविध सुरक्षा संस्थांच्या प्रमुखांना राष्ट्रीय सुरक्षेसाठी केंद्र सरकारचा संपूर्ण' दृष्टिकोन स्वीकारण्याचे निर्देश दिले. देशातील उदयोन्मुख सुरक्षा धोक्याच्या परिस्थितीला सामोरे जाण्यासाठी त्यांनी दहशतवादी नेटवर्क आणि त्यांच्या सहाय्यक इको-सिस्टम नष्ट करण्यासाठी सर्व एजन्सींमध्ये अधिक समन्वयावर भर दिला.
कारवाईसाठी कायदा, सुरक्षा यंत्रणांना एकत्र येण्याचे आवाहन
देशाच्या एकूण अंतर्गत सुरक्षा परिस्थिती आणि दहशतवादाविरुद्धच्या लढाईचा आढावा घेत गृहमंत्र्यांनी सर्व सहभागींना मल्टी एजन्सी सेंटरमध्ये त्यांचा सहभाग वाढवण्यास सांगितले. तसेच निर्णायक, तत्पर कारवाईसाठी सर्व कायद्याची अंमलबजावणी करणाऱ्या एजन्सी आणि अंमली पदार्थ विरोधी एजन्सी, सायबर सुरक्षा आणि गुप्तचर संस्थांना एकत्र आणत एकसंध व्यासपीठ बनवण्यास सांगितले.
बिग डेटा आणि AI तंत्रज्ञानाचा वापर करण्यावर भर
बैठकीदरम्यान, केंद्रीय गृहमंत्र्यांनी बिग डेटा आणि AI/ML आधारित विश्लेषणे आणि तांत्रिक प्रगतीचा वापर करून दहशतवादी परिसंस्था नष्ट करण्यासाठी राष्ट्रीय सुरक्षेत सहभागी असलेल्या सर्व एजन्सींमधील तरुण, तांत्रिकदृष्ट्या कुशल अधिकाऱ्यांची एक टीम तयार करण्यावर भर दिला. नवीन आणि उदयोन्मुख सुरक्षा आव्हानांना प्रतिसाद देण्यासाठी आपण नेहमीच एक पाऊल पुढे असले पाहिजे, असा पुनरुच्चार शाह यांनी केला.
MAC फ्रेमवर्क आणि प्रभावी अंमलबजावणीसाठी PM मोदी सज्ज
केंद्रीय गृहमंत्र्यांनी माहिती दिली की, पंतप्रधान श्री नरेंद्र मोदी यांच्या नेतृत्वाखाली, MAC फ्रेमवर्क त्याची पोहोच आणि परिणामकारकता वाढवण्यासाठी मोठ्या तांत्रिक आणि परिचालन सुधारणांची अंमलबजावणी करण्यासाठी सज्ज आहे. त्यांनी सर्व भागधारकांना त्वरित प्रतिसाद आणि सामायिक केलेल्या माहितीचा आक्रमक पाठपुरावा करून हे प्रयत्न पुढे नेण्याचे आवाहन केले.
