Earthquake | बंगालच्या उपसागरात भूकंपाचे जोरदार धक्के; पश्चिम बंगाल हादरलं

पुढारी ऑनलाईन डेस्क : आज सकाळी ६:१० वाजता बंगालच्या उपसागरात भूकंपाचे जोरदार धक्के जाणवले. रिश्टर स्केलवर त्याची तीव्रता ५.१ इतकी नोंदवण्यात आली. भूकंपाने पश्चिम बंगालमधील कोलकातासह अनेक शहरे हादरली आहेत. भूकंपाचे केंद्र बंगालच्या उपसागरात ९१ किलोमीटर खोलीवर होते.

भूकंपामुळे झालेल्या नुकसानीची माहिती अद्याप मिळालेली नाही. कोलकाता येथील भूकंपाचे केंद्र शहरापासून खूप दूर होते. या वर्षी ८ जानेवारी रोजी तिबेट आणि नेपाळच्या काही भागांमध्ये शक्तिशाली भूकंप झाल्यानंतर कोलकातामध्ये भूकंपाचे सौम्य धक्के जाणवले होते.