Tamil Nadu cabinet expansion
नवी दिल्ली, पुढारी वृत्तसेवा : तमिळनाडू सरकारमध्ये काँग्रेस पक्षाच्या वतीने २ आमदार मंत्रीपदाची शपथ घेणार आहेत. यानिमित्त ५९ वर्षांच्यानंतर काँग्रेस राज्य सरकारमध्ये सहभागी होणार आहे.
काँग्रेस आमदार राजेश कुमार आणि पी. विश्वनाथन गुरुवारी मंत्रिपदाची शपथ घेणार आहेत. पक्षाध्यक्ष मल्लिकार्जुन खर्गे यांनी या दोन्ही आमदारांना मंत्रिपदाची शपथ घेण्याच्या सूचना दिल्या आहेत. तमिळनाडूमध्ये सर्वात मोठा पक्ष ठरलेल्या टीव्हीके सोबत काँग्रेसचा सहभाग हा नव्या आघाडीच्या दृष्टीने महत्त्वाचा मानला जात आहे.
सध्या तामिळनाडू विधानसभेत काँग्रेसचे ५ आमदार निवडून आलेले आहेत. सत्ताधारी आघाडीत काँग्रेसचा प्रभाव वाढवण्यासाठी आणि आगामी राजकीय समीकरणांच्या पार्श्वभूमीवर या मंत्रिपद विस्ताराकडे महत्त्वाच्या घडामोडी म्हणून पाहिले जात आहे. दरम्यान, या शपथविधीनंतर मंत्रिमंडळातील खात्यांचे वाटप आणि काँग्रेसला कोणती जबाबदारी दिली जाणार याकडे राजकीय वर्तुळाचे लक्ष लागले आहे.
