LPG Price |
दिल्ली : तेल विपणन कंपन्यांनी व्यावसायिक एलपीजी गॅस सिलिंडरच्या किमती कमी केल्या आहेत. १९ किलोच्या व्यावसायिक एलपीजी गॅस सिलिंडरच्या किमतीत २४ रुपयांची कपात करण्यात आली आहे. आज १ जूनपासून नवीन दर लागू होणार आहेत.
दिल्लीत १९ किलोच्या व्यावसायिक एलपीजी सिलिंडरची किरकोळ विक्री किंमत १ जूनपासून १७२३.५० रुपये आहे. घरगुती एलपीजी घरगुती सिलिंडरच्या किमतीत कोणताही बदल झालेला नाही.
एप्रिलमध्ये, व्यावसायिक एलपीजी गॅस सिलिंडरची किंमत १,७६२ रूपयांपर्यंत कमी करण्यात आली. फेब्रुवारीमध्येही किंमती ७ रूपयांनी कमी करण्यात आल्या होत्या, परंतु मार्चमध्ये पुन्हा ६ रूपये वाढवण्यात आले. नवीन किंमत रेस्टॉरंट्स, हॉटेल्स आणि इतरांसह लहान व्यवसायांसाठी दिलासादायक आहे. भारतातील एलपीजीचा सुमारे ९० टक्के वापर घरगुती स्वयंपाकासाठी केला जातो, तर उर्वरित १० टक्के वापर औद्योगिक, व्यावसायिक आणि ऑटोमोटिव्ह क्षेत्रात केला जातो.
पेट्रोलियम मंत्री हरदीप सिंग पुरी यांनी शुक्रवारी सांगितले की, पुरेसा पुरवठा उपलब्ध असल्याने, आंतरराष्ट्रीय कच्च्या तेलाच्या किमती प्रति बॅरल ६५ डॉलरच्या आसपास राहण्याची शक्यता आहे, जी गेल्या वर्षीच्या तुलनेत १० टक्के कमी आहे. जगातील तिसऱ्या क्रमांकाचा सर्वात मोठा तेल आयातदार आणि ग्राहक असलेल्या भारतासाठी, कच्च्या तेलाच्या किमती कमी झाल्यामुळे तेल आयातीवर खर्च कमी करावा लागेल. उद्योग संघटना CII च्या 'वार्षिक व्यवसाय शिखर परिषदेत' पुरी म्हणाले की, अधिक पुरवठा उपलब्ध असल्याने, कच्च्या तेलाच्या किमती प्रति बॅरल ८० ऐवजी ६५ डॉलरच्या जवळ येतील.
