CISF Head Constable Recruitment 2025
नवी दिल्ली: केंद्रीय औद्योगिक सुरक्षा दल म्हणजेच CISF मध्ये क्रीडा कोटाअंतर्गत हेड कॉन्स्टेबल/जनरल ड्यूटी (G.D.) पदांसाठी भरती प्रक्रिया सुरू झाली आहे. 403 पदांसाठी ही भरती होणार असून इच्छुक उमेदवारांनी अर्ज करण्याची अंतिम तारीख 6 जून 2025 आहे. अर्ज करण्याची प्रक्रिया 18 मेपासून सुरू झाली असून फक्त ऑनलाइन पद्धतीनेच अर्ज करता येणार आहे.
ऑनलाइन अर्ज भरता येणार
पात्र आणि इच्छुक उमेदवार दिलेल्या तारखांमध्ये या भरतीसाठी फॉर्म भरू शकतात. लक्षात ठेवा की अर्ज फक्त ऑनलाइन करता येईल, इतर कोणत्याही पद्धतीने फॉर्म स्वीकारले जाणार नाहीत.
पात्रता आणि निकष
या भरतीमध्ये सहभागी होण्यासाठी, उमेदवाराने मान्यताप्राप्त बोर्ड/संस्थेतून १२वी उत्तीर्ण असणे आवश्यक आहे. यासोबतच, उमेदवाराने संबंधित खेळात राज्य/राष्ट्रीय/आंतरराष्ट्रीय पातळीवर प्रतिनिधित्व केलेले असावे.
वय
हेड कॉन्स्टेबल पदांसाठी अर्ज करण्यासाठी, उमेदवाराचे किमान वय १ ऑगस्ट २०२५ रोजी १८ वर्षांपेक्षा जास्त आणि कमाल वय २३ वर्षांपेक्षा जास्त नसावे, म्हणजेच उमेदवाराचा जन्म २ ऑगस्ट २००२ ते १ ऑगस्ट २००७ दरम्यान झालेला असावा.
पगार किती?
या पदासाठी महिना 25, 500 रुपये ते 81 हजार ऐवढा पगार आहे. यात पुरुषांसाठी एकूण 204 तर महिलांसाठी 199 जागा आहेत. भरती प्रक्रियेचा निकाल हा www.cisfrectt.cisf.gov.in या सीआयएसएफच्या संकेतस्थळावर पाहता येईल.
तुम्ही स्वतः ऑनलाईन फॉर्म भरू शकता (CISF Head Constable Vacancy How To Apply)
या भरतीमध्ये सहभागी होण्यासाठी, उमेदवार स्वतः अर्ज भरू शकतात.
अर्ज भरण्यासाठी, प्रथम cisfrectt.cisf.gov.in/index.php या अधिकृत पोर्टलला भेट द्या.
वेबसाइटच्या होम पेजवर, तुम्हाला नवीन नोंदणी लिंकवर क्लिक करून आणि आवश्यक तपशील भरून फॉर्म भरावा लागेल.
यानंतर इतर तपशील भरून फॉर्म पूर्ण करा.
शेवटी विहित शुल्क (लागू असल्यास) जमा करा.
आता फॉर्म सबमिट करा आणि त्याची प्रिंटआउट घ्या आणि ती तुमच्याकडे सुरक्षित ठेवा.
फॉर्म फी किती असेल?
या भरतीमध्ये अर्जासोबत, जनरल, ओबीसी आणि ईडब्ल्यूएस श्रेणीतील उमेदवारांना १०० रुपये शुल्क भरावे लागेल. अर्ज शुल्क ऑनलाइन पद्धतीने जमा करता येते. या भरतीमध्ये सहभागी होण्यासाठी अनुसूचित जाती, जमाती आणि सर्व श्रेणीतील महिला उमेदवार पूर्णपणे मोफत फॉर्म भरू शकतात.
जनरल, ओबीसी आणि ईडब्ल्यूएस वर्ग: ₹100 (फक्त ऑनलाइन पेमेंट)
SC/ST आणि सर्व महिला उमेदवार: शुल्क माफ
