पुढारी ऑनलाईन डेस्क : Budget 2024 PDF File : केंद्रीय अर्थमंत्री निर्मला सीतारामण यांनी सोमवारी (दि. 23) एनडीए सरकार 3.0 चा पहिला अर्थसंकल्प सादर केला. या अर्थसंकल्पात त्यांनी अनेकविध क्षेत्रांसाठी तरतूदी जाहीर केल्या. रोजगारासाठी आणि रोजगारनिर्मितीसाठीच्या योजना जाहीर केल्या. देशात कोणत्या वस्तू व सेवा स्वस्त होणार, कोणत्या गोष्टी महागणार हे स्पष्ट केले. तसेच त्यांनी अनेक वस्तू आणि सेवांवरील कररचनेत बदलाची घोषणा केली.
अर्थमंत्री निर्मला सीतारामन संसदेत सादर केलेला अर्थसंकल्प महिला, युवा, उद्योजक, शेतकरी, प्रत्येक वर्गासाठी महत्त्वाचा आहे. या अर्थसंकल्पाबबात प्रत्येकाला माहिती मिळावी यासाठी सरकारने एक अॅप लाँच केलं आहे. Union Budget App असं या सरकारी अॅपचं नाव आहे. ज्या कोणाला अर्थसंकल्पबद्दल माहिती जाणून घ्यायची असेल तर तुम्ही तुमच्या फोनवर किंवा लॅपटॉपवर हे अॅप डाऊनलोड करू शकता. सरकारचे अधिकृत Union Budget App प्रत्येकासाठीच उपयुक्त ठरणार आहे.