अमेठीतील विजयानंतर किशोरीलाल शर्मा सोनिया गांधींच्या भेटीला

नवी दिल्ली, पुढारी वृत्तसेवा: अमेठीत विजय साकारणारे गांधी घराण्यातील विश्वासू सहकारी किशोरीलाल शर्मा यांनी बुधवारी नवी दिल्लीत येऊन काँग्रेस नेत्या सोनिया गांधी यांची त्यांच्या १० जनपथ या निवासस्थानी भेट घेतली.

भाजप नेत्या व केंद्रीय मंत्री स्मृती इराणी यांचा पराभव करून शर्मा विजयी झाले. या विजयाबद्दल सोनिया गांधी यांच्यासह राहुल गांधी, प्रियांका गांधी वधेरा यांनी शर्मा यांचे अभिनंदन केले.

गेली ४० वर्षे अमेठी व रायबरेलीत गांधी घराण्याचे प्रतिनिधी म्हणून काम सांभाळणारे किशोरीलाल  शर्मा यांना अमेठीत उमेदवारी देऊन राहुल गांधी यांनी त्यांच्यावर विश्वास टाकला होता. तो त्यांनी सार्थ ठरविला.

हेही वाचा  

• Lok Sabha Election 2024 : राहुल गांधी पंतप्रधान होतील का? संजय राऊत म्हणाले…
• Rahul Gandhi: ब्रेकिंग | वायनाड, रायबरेली दोन्ही मतदारसंघात राहुल गांधी आघाडीवर
• बिहारच्‍या राजकारणात 'मासे' झाले, आता मटणाची एंट्री, राहुल गांधी म्‍हणाले…