पुढारी ऑनलाईन डेस्क: आदित्य L-1 हे अंतराळयान PSLV-C57 मधून 2 सप्टेंबर 2023 रोजी यशस्वीरित्या प्रक्षेपित करण्यात आले. त्यानंतर कित्येक दिवसांनंतर आदित्य-एल-1 मिशनला आणखी एक यश मिळाले आहे. मिशनच्या SUIT आणि VELC उपकरणांनी मे महिन्यात सूर्याच्या गतिमान हालचाली टिपल्या (Aditya-L1 Mission) आहेत. ही छायाचित्रे इस्रोने X अकाऊंटवरून शेअर केली आहेत.
अंतराळयान आदित्य L-1 च्या वाहनात बसवलेल्या दोन रिमोट सेन्सिंग यंत्रांच्या मदतीने ही छायाचित्रे घेण्यात आली आहेत. इस्रोने मे महिन्यात घेतलेल्या सूर्याच्या वेगवेगळ्या ज्वालांची अनेक छायाचित्रे शेअर (Aditya-L1 Mission) केली आहेत.
इस्रोच्या म्हणण्यानुसार, कोरोनल मास इजेक्शनशी संबंधित अनेक एक्स-क्लास आणि एम-क्लास फ्लेअर्स रेकॉर्ड केले गेले, ज्यामुळे महत्त्वपूर्ण भूचुंबकीय वादळे निर्माण झाली. आदित्य एल वन सूर्यप्रकाशात होणाऱ्या प्रत्येक हालचालींवर लक्ष ठेवून आहे. त्याच क्रमाने सूर्यप्रकाशात निर्माण होणारे सौर वादळही कॅमेऱ्यात कैद (Aditya-L1 Mission) झाले आहे, असेही इस्रोने निवेदनात म्हटले आहे.
उल्लेखनीय आहे की भारताची पहिली सौर मोहीम 'आदित्य L1' 6 जानेवारी रोजी L1 पॉइंटच्या हॅलो ऑर्बिटमध्ये पाठवण्यात आली होती. हे यान सूर्य-पृथ्वी प्रणालीच्या 'लॅग्रेंज पॉइंट 1' (L1) भोवती पृथ्वीपासून सुमारे 1.5 दशलक्ष किलोमीटर अंतरावर असलेल्या प्रभामंडल कक्षेत ठेवण्यात आले आहे. गेल्या वर्षी 2 सप्टेंबर रोजी आंध्र प्रदेशातील श्रीहरिकोटा येथून ही मोहीम सुरू करण्यात आली होती. अशा प्रकारे भारतीय शास्त्रज्ञांनी अवकाश विज्ञानाच्या क्षेत्रात मोठी झेप घेऊन इतिहास रचला आहे.
