पुढारी ऑनलाईन डेस्क : लोकसभा निवडणुकीत एनडीएने २९३ जागा जिकंत तिसऱ्यांदा बहुमत मिळवले. त्यानंतर रविवारी (दि.९) नरेंद्र मोदी यांचा राष्ट्रपती भवनाच्या प्रांगणात शपथविधी सोहळा पार पडला. पंतप्रधान मोदी याच्या तिसऱ्या कार्यकाळात राष्ट्रपती भवनाच्या सचिवालयाने जाहीर केलेल्या यादीनुसार नितीन गडकरी यांच्याकडे सलग तिसऱ्यांदा रस्ते वाहतूक मंत्रालयाची जबाबदारी सोपवण्यात आली आहे. भाजपने संरक्षण, परराष्ट्र, शिक्षण आणि आरोग्य ही महत्त्वाची मंत्रालयेही स्वत:कडे ठेवली आहेत.
यामध्ये नितीन गडकरी यांच्याकडे रस्ते आणि वाहतूक मंत्रीपद कायम ठेवण्यात येणार असून अमित शहा यांच्याकडे गृहमंत्रालय व सहकार खातं कायम ठेवण्यात आले आहे. तसेच अजय टमटा आणि हर्ष मल्होत्रा यांना रस्ते विकास राज्यमंत्री पद देण्यात आलं आहे. तसेच आश्विन वैष्णव यांना रेल्वेमंत्रीपद देण्यात आले आहे. राजनाथ सिंह यांना पुन्हा संरक्षणमंत्रीपद देण्यात आले आहे. तसेच एस . जयशंकर यांना परराष्ट्र मंत्रीपद देण्यात आले आहे. जे. पी नड्डा याच्याकडे आरोग्य मंत्रालय हे खातं असणार आहे. नितीन कुमार स्वामी याच्याकडे अवजड उद्योग मंत्रालय हे खाते देण्यात आले आहे. रक्षा खडसे यांच्याकडे युवक , कल्याण आणि क्रीडा राज्यमंत्री खाते असणार आहे मुरलीधर मोहोळ यांच्याकडे हवाई वाहतूक राज्यमंत्री खातं देण्यात आलं आहे. प्रतापराव जाधव यांच्याकडे आयुष मंत्रालयाचा स्वतंत्र प्रभार देण्यात आले आहे. रामदास आठवले यांना सामाजिक न्याय आणि सक्षमीकरण मंत्रालयातील राज्यमंत्री पद देण्यात आले आहे. सावित्री ठाकुर यांना महिला आणि बालविकास मंत्रालयातील राज्यमंत्री पद देण्यात आले आहे. अनुप्रिया पटेल यांना आरोग्य आणि कुटुंब कल्याण मंत्रालयातील राज्यमंत्रीपद देण्यात आले आहे. भागीरथ चौधरी यांना कृषी आणि शेतकरी कल्याण मंत्रालयातील राज्यमंत्रीपद देण्यात आले आहे.
सलग तिसऱ्यांदा स्थापन झालेल्या एनडीए सरकारच्या मंत्रिमंडळात पाच महिला मंत्र्यांना स्थान मिळाले आहे. माजी अर्थमंत्री निर्मला सीतारामन यांच्यावर पंतप्रधानांनी पुन्हा एकदा विश्वास दाखवला आहे. सीतारामन यांच्याशिवाय माजी राज्यमंत्री अन्नपूर्णा देवी, उत्तर प्रदेशमधून निवडून आलेल्या अनुप्रिया पटेल आणि कर्नाटकमधून निवडून आलेल्या शोभा करंदलाजे यांचा पुन्हा एकदा मंत्रिमंडळात समावेश करण्यात आला आहे. पहिल्यांदाच मंत्री झालेल्या महिला नेत्यांमध्ये 37 वर्षीय रक्षा निखिल खडसे यांच्या नावाचाही समावेश आहे.
हेही वाचा :
