एनडीएच्या सहकाऱ्यांचा दबाव लक्षात घेता, मंत्रीमंडळाच्या जबाबदारीमध्ये राष्ट्रीय स्वयंसेवक संघ सक्रीय झाला आहे. यामुळे भाजपाध्यक्ष जे. पी. नड्डा यांच्या निवासस्थानी संघातील नेत्यांच्या बैठका सुरु झाल्या आहेत. यामध्ये जे. पी. नड्डा, राजनाथ सिंह, सरचिटणीस बी. एल. संतोष आणि संघाचे अनेक पदाधिकारी उपस्थित होते. या बैठकीत सहकाऱ्यांचे मन जपण्याचे सूत्र तयार करण्यात आले आहे. सूत्रांच्या माहितीनुसार, अमित शाह यांना गृहमंत्री पदावरुन हटवले जाऊ शकते. याबाबत नड्डा यांच्या घरी अशा बैठका होण्याची शक्यता आहे. तर उद्या एनडीएच्या सर्व प्रमुख नेत्यांसह खासदारांचीही बैठक होणार आहे.
