ब्रेकिंग : अपहरण प्रकरणी माजी पंतप्रधान देवेगौडा यांचे पुत्र एचडी रेवन्ना यांना अटक
पुढारी ऑनलाईन डेस्‍क : माजी पंतप्रधान एच. डी. देवेगौडा यांचे पुत्र आणि जनता दल धर्मनिरपेक्ष ( जेडी(एस) पक्षाचे नेते एचडी रेवन्ना यांना आज ( दि. ४) कर्नाटक सरकारच्‍या विशेष तपास पथकातील ( एसआयटी ) अधिकाऱ्यांनी अटक केली. बंगळुर केआर नगर पोलीस ठाण्‍यात नोंदवलेल्या अपहरणाच्या गुन्ह्याच्या संदर्भात ही कारवाई करण्यात आल्‍याचे वृत्त ‘एएनआय’ने दिले आहे. दरम्यान, कथित सेक्स स्कँडल प्रकरणी एचडी रेवन्ना आणि त्यांचा मुलगा प्रज्वल रेवन्ना यांना अंतरिम जामीन देण्यास नकार दिला आहे.
SIT takes JD-S leader HD Revanna into custody in alleged kidnapping case
Read @ANI Story | https://t.co/i5jNF7Ubyo#HDRevanna #JanataDal #Bengaluru pic.twitter.com/Vvwcisd6gH
— ANI Digital (@ani_digital) May 4, 2024
अंतरिम जामिनास न्‍यायालयाचा नकार
कथित सेक्स स्कँडल प्रकरणी एचडी रेवन्ना आणि त्यांचा मुलगा प्रज्वल रेवन्ना यांना अंतरिम जामीन देण्यास नकार दिला आहे.
Court refuses to grant interim bail to JD-S leaders Prajwal and HD Revanna in alleged ‘obscene videos’ case
Read @ANI Story | https://t.co/wUeR52ZhEp#HDRevanna #PrajwalRevanna #Karnataka pic.twitter.com/RkWGFyqSX1
— ANI Digital (@ani_digital) May 4, 2024
#WATCH | Karnataka: An ambulance arrives at the CID office in Bengaluru. Detail awaited.
JD(S) leader HD Revanna has been taken into custody by SIT officials in connection with a kidnapping case registered against him at KR Nagar police station, in Bengaluru. pic.twitter.com/WbaQ15a4Dk
— ANI (@ANI) May 4, 2024
प्रज्वल रेवण्णाविरोधात सीबीआय ‘ब्लू कॉर्नर नोटीस’ जारी करणार?
कथित सेक्स स्कँडल प्रकरणी हसन लोकसभा मतदारसंघातील उमेदवार प्रज्वल रेवन्ना आणि त्यांचे वडील एचडी रेवन्ना यांच्यासाठी अडचणी आणखी वाढ झाली आहे. केंद्रीय अन्वेषण विभागाने (सीबीआय) प्रज्वल रेवन्ना यांच्याविरोधात ‘ब्लू कॉर्नर नोटीस’ काढण्याची शक्यता आहे, असे वृत्त ‘इंडिया टूडे’ने दिले आहे. दरम्यान, एचडी रेवन्ना देशसोडून पळून जाण्‍याची शक्यता लक्षात घेता त्यांना लूकआउट नोटीस जारी करण्यात आली होती. या प्रकरणी सुमारे ७०० जणांनी राष्ट्रीय महिला आयोगाला (NCW) खुले पत्र लिहून रेवन्ना यांच्यावर कठोर कारवाई करण्याची मागणी केली आहे.
सेक्स स्कँडल प्रकरणाच्या चौकशीसाठी ‘एसआयटी’ स्थापन
प्रज्ज्वल यांचे महिलांसह आक्षेपार्ह स्थितीतील व्हिडीओ व्हायरल झाले. महिलांवर दबाव आणून त्यांचा लैंगिक छळ करण्यात आल्याचा त्यांच्यावर आरोप आहे. पीडितांमध्ये काही शासकीय कर्मचारी असल्याचेही सांगण्यात येते. यानंतर कर्नाटक राज्य महिला आयोगाने २६ एप्रिल रोजी या प्रकरणाच्या चौकशीची मागणी केली होती. विशेष तपास पथक नेमावे, असेही राज्य सरकारला सुचविले होते. त्यानंतर प्रकरणाच्या चौकशीसाठी कर्नाटक सरकारने विशेष तपास पथक (एसआयटी) स्थापन केले. दरम्यान, प्रज्वल रेवन्ना यांचा सहभाग असलेल्या कथित सेक्स स्कँडल प्रकरणाची चौकशी करण्यासाठी स्थापन करण्यात आलेल्या गुन्हे अन्वेषण विभागाचे अतिरिक्त पोलीस महासंचालक बी. के. सिंग यांच्या नेतृत्वाखालील एसआयटीकडे एफआयआर पाठवण्यात आला आहे.
राष्ट्रीय महिला आयोगाने सोशल मीडियावर असंख्य आक्षेपार्ह व्हिडिओ व्हायरल झाल्याबद्दल गंभीर चिंता व्यक्त केली आहे. या व्हिडिओंमध्ये प्रज्वल रेवन्ना अनेक महिलांवर लैंगिक अत्याचार करत असल्याचे दिसून आले आहे.प्रज्वल रेवन्ना २६ एप्रिल रोजी कर्नाटकातील लोकसभा निवडणुकीच्या दुसऱ्या टप्प्यातील मतदान झाल्यानंतर देश सोडून गेल्याचे समजते. यावरून महिला आयोगाने प्रश्नचिन्ह उपस्थित केले आहे.
प्रज्वल रेवन्ना JD(S) मधून निलंबित
प्रज्वल रेवन्ना हे हसन लोकसभा मतदारसंघातील एनडीएचे उमेदवार आहेत. येथे गेल्या शुक्रवारी मतदान पार पडले. काही आक्षेपार्ह व्हिडिओंवरून झालेल्या वादाच्या पार्श्वभूमीवर मंगळवारी प्रज्वल रेवन्ना यांना JD(S) मधून निलंबित करण्यात आले. दरम्यान, एच.डी. रेवन्ना यांनी त्यांचा मुलगा प्रज्वल आणि ते स्वत: त्यांच्यावरील लैंगिक शोषणाच्या आरोपांच्या चौकशीसाठी तयार आहेत आणि आरोप सिद्ध झाल्यास कायद्यानुसार कारवाईला सामोरे जाऊ, असे त्यांनी स्पष्ट केले होते.
कर्नाटकातील एका भाजप नेत्याच्या दाव्याने खळबळ उडाली होती. मला सरकारी अधिकाऱ्यांसह महिलांचे सुमारे ३ हजार व्हिडिओ असलेले पेन ड्राइव्ह मिळाले असल्याचा दावा त्यांनी केला होता. याबाबत त्यांनी डिसेंबर २०२३ मध्ये राज्याच्या पक्षाध्यक्षांना पत्र लिहिले होते. त्यात त्यांनी माजी पंतप्रधान एच. डी. देवेगौडा (former Prime Minister and JD(S) supremo HD Deve Gowda) यांचे नातू तसेच कर्नाटकातील हसन लोकसभा खासदार आणि जेडीएसचे (जनता दल सेक्युलर) उमेदवार प्रज्ज्वल रेवन्ना यांच्याविरोधात लैंगिक छळाचा गंभीर आरोप केला होता. या फुटेजचा वापर महिलांना ब्लॅकमेल करून त्यांना सतत लैंगिक कृत्यांमध्ये गुंतण्यासाठी केला असल्याचाही आरोप रेवन्ना यांच्यावर करण्यात आला आहे. (Sex Scandal Case)
तब्बल २,९७६ व्हिडिओ
८ डिसेंबर २०२३ रोजी भाजपचे प्रदेशाध्यक्ष बी. वाय. विजयेंद्र यांना लिहिलेल्या एका पत्रात, २०२३ च्या विधानसभा निवडणुकीत पक्षाचे होलेनर्सीपुराचे उमेदवार देवराजे गौडा म्हणाले होते, “प्रज्वल रेवन्ना यांच्यासह एच.डी. देवेगौडा कुटुंबातील अनेक नेत्यांवर गंभीर आरोप आहेत.” पेन ड्राइव्हमध्ये एकूण २,९७६ व्हिडिओ आहेत आणि फुटेजमध्ये दिसलेल्या काही महिला सरकारी अधिकारी होत्या, असेही देवराजे गौडा म्हणाले होते. या व्हिडिओचा वापर त्यांना लैंगिक कृत्यांमध्ये सतत गुंतवून ठेवून ब्लॅकमेल करण्यासाठी केला जात होता”, असेही दावा त्यांनी केला होता. (Prajwal Revanna Scandal case) भाजप नेत्याने पुढे असाही दावा केला की हे व्हिडिओ आणि फोटो असलेला आणखी एक पेन ड्राइव्ह काँग्रेसच्या राष्ट्रीय नेत्यांपर्यंत पोहोचला आहे.