नवी दिल्ली, पुढारी वृत्तसेवा: अमेठी आणि रायबरेलीचा तिढा काँग्रेसने अखेर शेवटच्या क्षणी सोडवला. काँग्रेस नेते राहुल गांधी त्यांच्या आई सोनिया गांधी यांचा पारंपारिक मतदारसंघ असलेल्या रायबरेलीतून लढणार आहेत. तर दीर्घकाळ सोनिया गांधींचे प्रतिनिधी राहिलेले किशोरी लाल शर्मा अमेठीतून लढणार आहेत. त्यामुळे आता रायबरेलीची लढत राहुल गांधी विरुद्ध भाजपचे दिनेश प्रताप सिंह तर अमेठीची लढत भाजपच्या स्मृती इराणी विरुद्ध कॉंग्रेसचे के. एल. शर्मा अशी होणार हे स्पष्ट झाले. दरम्यान, शुक्रवारी सकाळी नऊच्या सुमारास काँग्रेस नेते राहुल गांधी सोनिया गांधींसह रायबरेलीकडे रवाना झाले. (Congress Lok Sabha 2024)