Income tax slab : आयकर स्लॅबमध्ये काेणताही बदल नाही
पुढारी ऑनलाईन डेस्‍क : केंद्रीय अर्थमंत्री सीतारमन आज ( दि. १) अंतरिम अर्थसंकल्‍पात आयकर स्लॅबमध्ये (आयकर रचना) कोणता बदल करणार याकडे लाखो भारतीय करदात्‍या विशेषतः पगारदार वर्गाला लक्ष वधले होते. मात्र केंद्रीय अर्थमंत्र्यांनी आपल्‍या अंतरिम अर्थसंकल्‍पात आयकर स्लॅबमध्ये काेणताही बदल केलेला नाही, असे स्‍पष्‍ट केले.
आयकर स्लॅबमधील बदलांपासून ते सवलतींपर्यंत, करदाते त्यांच्या आर्थिक नियोजन आणि गुंतवणूक धोरणांवर प्रभाव टाकणार्‍या या निवडणूक वर्षात आर्थिक विकासाला चालना आणि वित्तीय शिस्त, असे दुहेरी आव्‍हान स्‍वीकारताना केंद्रीय अर्थमंत्री सीतारमण यांनी आयकर स्लॅबमध्ये काेणताही बदल हाेणार नाही, असे स्‍पष्‍ट केले.
No changes in Income Tax rates, Union Finance Minister Nirmala Sitharaman presents Interim Budget 2024-25. pic.twitter.com/H90QxEmaCt
— ANI (@ANI) February 1, 2024
आयकर स्‍लॅब आणि सवलत
- 2.5 लाखांपर्यंतच्‍या उत्‍पनावर आयकर नाही. या अंतर्गत ज्येष्ठ नागरिक (६० वर्षांवरील) आणि अति ज्येष्ठ नागरिक (८० वर्षांपेक्षा जास्त) यांना ५०,००० रुपयांची विशेष सवलत मिळते. त्यांना 2.5 ते 3 लाख रुपयांच्या करपात्र उत्पन्नावरही कर भरण्याची गरज नाही. म्हणजे त्यांना ३ लाख रुपयांपर्यंतच्या पगारावर कर सूट मिळते.
- 2.5 लाख ते 5 लाख रुपये उत्‍पनावर ५ टक्के आयकर भरावा लागेल. तुमचे एकूण करपात्र उत्पन्न केवळ 5 लाख रुपयांपर्यंतच राहिल्यास,आयकर कायद्याच्या कलम 87A अंतर्गत 12,500 रुपयांपर्यंत सूट मिळते. त्यामुळे त्यांचे कर दायित्व शून्य होते. मात्र, हा फायदा तुम्हाला आयटीआर फाइल केल्यावरच मिळेल.
- 4- 5 लाख ते 10 लाख रुपये उत्‍पनावर २० टक्के आयकर भरावा लागेल. तुमचे करपात्र उत्पन्न 5 ते 10 लाख रुपयांच्या दरम्यान असेल तर तुम्हाला थेट 20 टक्के कर भरावा लागेल. तथापि, आपण HRA, 80C अंतर्गत बचत, मुलांच्या शिक्षणावरील खर्च इत्यादींसह विविध खर्च आणि गुंतवणूकीच्‍या आधारे कर वाचवू शकता.
- तुमचे करपात्र उत्पन्न 10 लाख रुपयांपेक्षा जास्त असल्यास तुम्हाला 30 टक्के कर भरावा लागेल. करपात्र उत्पन्न म्हणजे सर्व प्रकारच्या कपाती आणि सूट मिळाल्यानंतर शिल्लक राहिलेले उत्पन्न. त्यावर आयकर कर आकारला जातो.
देशातील करदात्यांची संख्या 2.4 पट वाढली
‘प्रत्यक्ष कर संकलन 10 वर्षांत तीन पटीने वाढले आहे. करदात्यांची संख्या 2.4 पट वाढली आहे. देशाच्या विकासात करदात्यांच्या योगदानाचा उपयोग होत आहे. आम्ही करदात्यांची प्रशंसा करतो. सरकारने कराचे दर कमी केले आहेत. लागू करण्यात आलेल्या नवीन कर योजनेअंतर्गत 7 लाख रुपयांपर्यंत कोणताही कर नाही. कॉर्पोरेट टॅक्सही कमी करण्यात आला आहे. नवीन फॉर्म 26AS सह कर भरणे सोपे झाले आहे. 2013-14 मध्ये 93 दिवसांऐवजी आता 10 दिवसात परतावा दिला जात आहे, असेही केंद्रीय अर्थमंत्री सीतारामन यांनी स्‍पष्‍ट केले.