PM Modi On Parliament Security Breach: 'संसद घुसखोरी' प्रकरणी PM मोदींनी घेतली उच्चस्तरीय बैठक

पुढारी ऑनलाईन डेस्क :  लोकसभेत बुधवार, १३ डिसेंबर रोजी दाेन तरुणांनी घुसखोरी केली. या घटनेचे तीव्र पडसाद आज संसदेच्‍या दोन्‍ही सभागृहात उमटले. दरम्‍यान, या घटनेची गंभीर दखल पंतप्रधान नरेंद्र मोदी यांनी घेतली आहे.  याप्रकरणी त्‍यांनी आज (दि.१४) केंद्रीय मंत्र्यांची उच्चस्तरीय बैठक घेतली. (PM Modi On Parliament Security Breach)

संसदेतील सुरक्षा व्यवस्थेचा आढावा घेण्यासाठी पंतप्रधान नरेंद्र मोदी यांनी आज (दि.१४) सकाळी वरिष्ठ मंत्र्यांसोबत बैठक घेतली. या बैठकीला केंद्रीय गृह मंत्री अमित शहा, भाजपचे राष्ट्रीय अध्यक्ष जेपी नड्डा, केंद्रीय मंत्री प्रल्हाद जोशी आणि अनुराग ठाकूर उपस्थित होते. (PM Modi On Parliament Security Breach)

प्रधानमंत्री नरेंद्र मोदी ने वरिष्ठ मंत्रियों के साथ बैठक की। बैठक में केंद्रीय गृह मंत्री अमित शाह, बीजेपी के राष्ट्रीय अध्यक्ष जे.पी. नड्डा, केंद्रीय मंत्री प्रह्लाद जोशी और अनुराग ठाकुर मौजूद रहे।

संबंधित बातम्या

• 
  मोदींची प्रकृती बरी नाही, पराभव दिसत असल्यानेच ऑफरची भाषा

  Published on: May 10, 2024, 8:38 PM
• 
  तुरुंगातून बाहेर येताच केजरीवालांचा हल्लाबोल, म्हणाले; ‘हुकूमशाही संपेल..’

  Published on: May 10, 2024, 8:14 PM

— ANI_HindiNews (@AHindinews) December 14, 2023

कामकाज सुरू होताच, लोकसभेत गदारोळ; सभागृह तहकूब

संसदेच्‍या हिवाळी अधिवेशनादरम्यान बुधवार, १३ डिसेंबर रोजी दाेन तरुणांनी लोकसभेत घुसखोरी केली. हिवाळी अधिवेशनादरम्यान कामकाज सुरू होताच, संसद सुरक्षेवरून विरोधकांनी जोरदार घोषणाबाजी केली हाेती. या घटनेचे तीव्र पडसाद आज ( दि. १४ ) लोकसभेत उमटले. सुरक्षा त्रुटीवरुन विराेधी पक्षांच्‍या सदस्‍यांनी सरकारविराेधात घाेषणाबाजी केली. यामुळे  प्रचंड गदारोळ झाला. अखेर लोकसभा अध्यक्षांनी लाेकसभेचे कामकाज दुपारी २ वाजेपर्यंत तहकूब केले. (PM Modi On Parliament Security Breach)

विरोधकांकडून गृहमंत्री शहा यांच्या राजीनाम्याची  मागणी

बुधवार, १३ डिसेंबर राेजी लोकसभा सभागृह सुरक्षा भंगाच्या  प्रकार घडला. यावर आज विरोधी पक्षाचे खासदार आक्रमक झालेले दिसले. त्यांनी सत्ताधारी मोदी सरकार विरोधात जोरदार घोषणाबाजी केली. या घटनेवरून केंद्रीय गृहमंत्री अमित शहा यांच्या राजीनाम्याची देखील मागणी विरोधी  पक्षाच्या नेत्यांनी यावेळी केली.

लोकसभा सचिवालयाकडून आठ कर्मचारी निलंबित

लोकसभेमध्ये दुपारी एकच्या सुमारास शून्यकाळ सुरू असताना घुसखोरीचा प्रकार घडला. (Parliament Attack) दरम्‍यान, सुरक्षा व्‍यवस्‍थेतील अक्षम्‍य चुकीची गंभीर दखल केंद्र सरकारने घेतली आहे. लोकसभा सचिवालयाने आठ कर्मचाऱ्यांना निलंबित केले आहे.

आराेपींवर UAPA कलमांतर्गत गुन्हा दाखल

लोकसभेचं कामकाज सुरू असताना तरुणांनी बुधवारी (दि. 13) घुसखोरी करुन  घोषणा देत धुराचे नळकांडे फोडले. याप्रकरणी दिल्ली पोलिसांनी बेकायदेशीर कृत्ये प्रतिबंध कायद्यातील(UAPA ) कलमांतर्गत गुन्हा दाखल केला आहे. 

हेही वाचा:

• Parliament Winter Session: संसद ‘घुसखोरी’ प्रकरणी लोकसभेत गदारोळ; कामकाज दुपारी २ पर्यंत तहकूब
• सुरक्षा व्यवस्थेत अक्षम्य चूक : लोकसभा सचिवालयाकडून आठ कर्मचारी निलंबित
• Paid Menstrual Leave : मासिक पाळी म्‍हणजे अपंगत्व नाही : स्मृती इराणींचा पगारी रजेला विरोध