तेलंगणाचे पोलीस महासंचालक अंजनी कुमार निलंबित, आचारसंहिता भंग प्रकरणी निवडणूक आयोगाची कारवाई
पुढारी ऑनलाईन डेस्‍क : तेलंगणाचे पोलीस महासंचालक अंजनी कुमार यांना आदर्श आचारसंहिता नियमांचे उल्‍लंघन केल्‍याप्रकरणी निलंबित केले आहे. ही कारवाई केंद्रीय निवडणूक आयोगाने केली असल्‍याचे वृत्त ‘एएनआय’ने दिले आहे.
तेलंगणाचे पोलीस प्रमुख अंजनी कुमार यांच्यासह राज्य पोलीस नोडल अधिकारी संजय जैन यांनी निकाल जाहीर होण्यापूर्वी तेलंगणा विधानसभा निवडणुकीतील काँग्रेसचे स्टार प्रचारक आणि उमेदवार रेवंत रेड्डी यांची भेट घेतली होती. ‘एएनआय’ने शेअर केलेल्या व्हिडिओमध्ये वरिष्ठ पोलीस अधिकारी रेड्डी यांना पुष्पगुच्छ देऊन अभिवादन करताना दिसले.
#UPDATE | The Election Commission of India has suspended Anjani Kumar, Director General of Police Telangana for violation of the Model Code of Conduct and relevant conduct rules: Sources
The Director General of Police Telangana along with Sanjay Jain, State Police Nodal Officer,… https://t.co/FGltWV2Bxe pic.twitter.com/2m7XpbjBqj
— ANI (@ANI) December 3, 2023
दक्षिणेकडील राज्यात पहिले सरकार स्थापन करण्यासाठी काँग्रेस तेलंगणामध्ये साध्या बहुमताच्या दिशेने वाटचाल करत आहे. तेलंगणामध्ये काँग्रेसची वाटचाल ही निर्णायक बहुमताकडे असून ६४ जागांवर आघाडीवर आहे. सरकार स्थापन करण्यासाठी बहुमताचा आकडा ६० जागांचा आहे.
हेही वाचा :
- Telangana Election Result 2023 | तेलंगणात काँग्रेसचा मुख्यमंत्री कोण? रेवंत रेड्डींसह ‘ही’ नावे चर्चेत
- Assembly Election Result 2023 : चार पैकी तीन राज्यात भाजप, पक्षाकडून पंतप्रधान नरेंद्र मोदींना विजयाचे श्रेय