Uttarkashi tunnel rescue | उत्तरकाशी- बचावकार्यात अडथळे, मुख्यमंत्री धामी यांचा बोगद्याच्या ठिकाणी रात्रभर मुक्काम
पुढारी ऑनलाईन : उत्तरकाशीतील बोगद्यात अडकलेल्या ४१ कामगारांच्या सुटकेसाठी आज शुक्रवारी (दि.२४) १३ व्या दिवशीही बचावकार्य सुरु आहे. आज संध्याकाळपर्यंत कामगारांची सुटका होण्याची शक्यता व्यक्त करण्यात आली आहे. अमेरिकन ऑगर मशिनचा वापर करून सिल्क्यारा बोगद्याच्या बाजूने खोदकाम सुरू असताना बचाव पथकाला गुरुवारी रात्री उशिरा आणखी एका तांत्रिक अडचणीचा सामना करावा लागला. आतापर्यंत बचाव पथकाने ४६.८ मीटरपर्यंत ड्रिलिंग केले आहे आणि बोगद्यात अडकलेल्या कामगारांपर्यंत पोहोचण्यासाठी आणखी ९ मीटर बाकी आहेत. (Uttarkashi tunnel rescue)
संबंधित बातम्या
- ऑगर मशीनमध्ये तांत्रिक बिघाड; उत्तरकाशी बोगद्यात अडकलेल्या कामगारांच्या बचावकार्यात पुन्हा अडथळा
- बोगद्यातील मजुरांची कोणत्याही क्षणी सुटका; ड्रिलिंगचे काम ५० मीटरपर्यंत पूर्ण
दरम्यान, पीएमओचे माजी सल्लागार भास्कर खुल्बे यांनी सांगितले की, “आम्हाला आशा आहे की आज संध्याकाळपर्यंत आम्ही त्यांची (कामगारांची) सुटका करू शकू.”
त्यांनी पुढे बोलताना म्हटले, “आता परिस्थिती खूप चांगली आहे. काल रात्री आम्हाला दोन गोष्टींवर काम करायचे होते. पहिली म्हणजे आम्हाला मशीनच्या प्लॅटफॉर्मची दुरुस्ती करायची होती. पार्सन्स कंपनीने ग्राउंड पेनिट्रेशन रडारचे काम केले होते. ज्याद्वारे आम्हाला कळले की पुढील ५ मीटरपर्यंत कोणताही अडथळा नाही. याचा अर्थ असा की ड्रिलिंग सुरळीत व्हायला हवे. आम्ही जेव्हा ढिगारा बाहेर काढत होतो तेव्हा आम्हाला दोन खराब झालेल्या पाईप्स मिळाल्या…”
आम्ही आशा करतो की सकाळी ११-११.३० पर्यंत ड्रिलिंग सुरू करू. ग्राउंड पेनिट्रेशन रडारच्या अभ्यासात असे दिसून आले आहे की पुढील ५ मीटरमध्ये कोणत्याही धातूचा अडथळा नाही.
मुख्यमंत्री धामी यांचे मातली येथे कॅम्प ऑफिस
दरम्यान, ‘इंडिया टुडे‘ने सुत्रांच्या हवाल्याने दिलेल्या वृत्तानुसार, उत्तराखंडचे मुख्यमंत्री पुष्कर सिंग धामी बोगद्याच्या ठिकाणी रात्रभर थांबले होते. ते नंतर राजधानी डेहराडूनला परततील. धामी यांनी गुरुवारी X वरील एका पोस्टमध्ये म्हटले होते की ते बुधवारी संध्याकाळपासून उत्तरकाशीमध्ये सिल्क्यारा बोगद्यात सुरू असलेल्या मदत आणि बचाव कार्यावर लक्ष ठेवून आहेत. बचाव कार्यादरम्यान सरकारी कामावर परिणाम होऊ नये, यासाठी मातली येथे मुख्यमंत्र्यांचे तात्पुरते कॅम्प ऑफिस स्थापन करण्यात आले आहे. त्यांनी काल बोगद्यात अडकलेल्या कामगारांशी ऑडिओ कम्युनिकेशनद्वारे संवाद साधत त्यांना धीर दिला होता. (Uttarkashi tunnel rescue)
#WATCH | Uttarkashi (Uttarakhand) tunnel rescue | Former advisor to PMO, Bhaskar Khulbe says, “The situation is much better now. Last night, we had to work on two things. First, we had to revamp the platform of the machine… Parsons Company had done the ground penetration radar,… pic.twitter.com/2qbHYPqs04
— ANI (@ANI) November 24, 2023
Uttarkashi (Uttarakhand) tunnel rescue | Former advisor to PMO, Bhaskar Khulbe says, “We hope that we will be able to rescue them (workers) by today evening.” pic.twitter.com/ZU9u68cfIG
— ANI (@ANI) November 24, 2023
सिलक्यारा टनल में फंसे श्रमिकों को शीघ्र एवं सुरक्षित बाहर निकालना हमारी सर्वोच्च प्राथमिकता। pic.twitter.com/lPw7MWx0rG
— Pushkar Singh Dhami (@pushkardhami) November 23, 2023