Sanjay Singh : आप खासदार संजय सिंह यांना ईडीकडून अटक

By:Avinash Sutar Published on: October 4, 2023, 6:15 PM

पुढारी ऑनलाईन डेस्क : आम आदमी पक्षाचे राज्यसभा खासदार संजय सिंह (Sanjay Singh) यांना ईडीने अटक केली आहे. बुधवारी सकाळी ७ वाजता ईडीचे पथक त्यांच्या दिल्लीतील घरी पोहोचले. 10 तास चाललेल्या छाप्यानंतर त्यांना अटक करण्यात आली. अबकारी धोरण प्रकरणाच्या आरोप पत्रातही संजय सिंह यांचे नाव आहे. या प्रकरणी मनीष सिसोदिया तुरुंगात आहेत.

संबंधित बातम्या

दिल्लीतील मद्य धोरण घोटाळ्यासह मनी लाँड्रिंग प्रकरणाचीही ईडीकडून चौकशी सुरू आहे. याप्रकरणी नुकत्याच दाखल करण्यात आलेल्या ईडीच्या आरोपपत्रात आप नेते संजय सिंह (Sanjay Singh) यांच्या नावाचाही उल्लेख आहे.

संजय सिंह यांच्या अटकेची माहिती मिळताच आम आदमी पक्षाचे कार्यकर्ते त्यांच्या निवासस्थानाबाहेर जमले आहेत. कामगार एजन्सी आणि मोदी सरकारच्या विरोधात घोषणा देत आहेत. संजय सिंह यांच्यावरील या कारवाईवरून विरोधी पक्षांनीही मोदी सरकारवर निशाणा साधला आहे.

संजय सिंह यांच्या अटकेवर आप खासदार राघव चढ्ढा म्हणाले की, गेल्या पंधरा महिन्यांपासून भाजप आप कार्यकर्त्यांवर दारू घोटाळ्याचा आरोप करत आहे. मागील 15 महिन्यांत ईडी आणि सीबीआयने 1000 ठिकाणी छापे टाकले आहेत. काही लोकांना अटक, तपास छापे टाकल्यानंतर एकाही एजन्सीला एक पैसाही सापडलेला नाही. आगामी निवडणुकांमध्ये पराभव पत्करावा लागणार असल्याने भाजप घाबरून हे करत आहेत. त्यामुळे संजय सिंह यांच्या घरावर छापा टाकून त्यांना अटक केली आहे.

दरम्यान, दारू धोरण घोटाळ्यातील आरोपी दिनेश अरोरा हा या प्रकरणातील तपासाचा मुख्य दुवा मानला जात आहे. एक दिवसापूर्वी, दिल्ली न्यायालयाने वायएसआर काँग्रेसचे खासदार श्रीनिवासुलू रेड्डी यांचा मुलगा राघव मागुंटा आणि व्यापारी दिनेश अरोरा यांना मनी लाँड्रिंग प्रकरणात सरकारी साक्षीदार बनण्याची परवानगी दिली होती.

ED arrests AAP MP Sanjay Singh in Delhi excise policy case

Read @ANI Story | https://t.co/KB5pi932lj #AAP #Delhiexcisepolicycase #SanjaySingh #EnforcementDirectorate pic.twitter.com/otdSLCITgq

— ANI Digital (@ani_digital) October 4, 2023

#WATCH | On the arrest of AAP MP Sanjay Singh, BJP leader Manjinder Singh Sirsa says, “ED has arrested Sanjay Singh. AAP is now saying that it is a political vendetta and that they knew it beforehand. You had to know beforehand…When you were distributing money and collecting… pic.twitter.com/LLyVSEqnDF

— ANI (@ANI) October 4, 2023

हेही वाचा