धक्‍कादायक...दिल्लीत ज्वेलर्स दुकान फोडून तब्‍बल २५ कोटींचे दागिने लंपास
पुढारी ऑनलाईन डेस्‍क : राजधानी दिल्लीत चोरीची खळबळजनक घटना समोर आली आहे. येथे चोरट्यांनी जंगपुरा येथील ज्वेलरी शोरूम फोडून हा गुन्हा केला. घराचे छत कापून चोरट्यांनी सुमारे 25 कोटी रुपयांचे दागिने लंपास केले आहेत, असे वृत्त ‘एएनआय’ने दिले आहे.
चोरट्यांनी दिल्लीतील जंगपुरा भागात असलेल्या शोरूमला लक्ष्य केले. चोरट्यांनी शोरूमची भिंत कापून प्रवेश केला. त्यांनी येथून सोने, हिरे आणि दागिने चोरून पळ काढला. सीसीटीव्हीच्या मदतीने चोरट्यांचा शोध घेतला जात आहे.
#WATCH दिल्ली के भोगल इलाके में एक गहने की दुकान से करीब 20-25 करोड़ रुपए की चोरी का मामला सामने आया। वीडियो घटना स्थल से है। pic.twitter.com/zg2FU9mzoN
— ANI_HindiNews (@AHindinews) September 26, 2023
#WATCH | Visuals from a jewellery shop which was looted in Delhi’s Bhogal area.
“We closed the shop on Sunday and when we opened it on Tuesday after an off on Monday, we saw that there was dust in the whole shop and there was a hole in the wall of the strong room… We think… pic.twitter.com/kyUf8woqac
— ANI (@ANI) September 26, 2023
आम्ही रविवारी दुकान बंद केले. सोमवारी दुकानाला साप्‍ताहिक सुटी होती. मंगळवारी आम्ही दुकान उघडल्‍यानंतर चोरीची घटना उघडकीस आली, असे ज्वेलर्स दुकानाचे मालक संजीव जैन यांनी सांगितले. दुकान मंगळवारी सकाळी उघडले तेव्‍हा संपूर्ण दुकानात धूळ होती. स्ट्राँग रूमच्या भिंतीला छिद्र पडले होते. चोरट्यांनी सर्व दागिने लंपास केले आहेत. दुकानात सुमारे 20-25 कोटी रुपयांचे दागिने होते. सीसीटीव्हीचीही मोडतोड करण्‍यात आली आहे, असेही जैन यांनी ‘एएनआय’शी बोलताना सांगितले.