Meghalaya Election Result 2023 Live : मुख्यमंत्री कॉनरॅड संगमा यांच्या एनपीपीचा चार जागांवर विजय; २२ जागांवर आघाडी

Meghalaya Election Result Live :

• एनपीपीने राल्यांग, रंगसकोना, जोवई आणि नार्तियांग मतदारसंघ जिंकले आहेत. UDP ने मोकायॉ तर INC ने गम्बेग्रे जिंकला
• एनपीपीचे उमेदवार कमिंगोन यम्बोन यांनी 13,626 मतांनी रालियांग जागा जिंकली. त्यांनी भाजपचे उमेदवार लाखोन बियाम यांचा पराभव केला. यम्बोन यांना 8,289 मते मिळाली.
• मेघालयातील सत्ताधारी नॅशनल पीपल्स पार्टी (एनपीपी) ने दोन जागा जिंकल्या असून 21 मतदारसंघांमध्ये आघाडीवर आहे. यूडीपी नऊ मतदारसंघात पुढे होते, तर भाजप आणि तृणमूल काँग्रेस प्रत्येकी पाच जागांवर आघाडीवर आहे. काँग्रेस आणि व्हॉइस ऑफ द पीपल पार्टी (व्हीपीपी) प्रत्येकी चार जागांवर आघाडीवर आहे. हिल स्टेट पीपल्स डेमोक्रॅटिक पार्टी (एचएसपीडीपी) आणि पीपल्स डेमोक्रॅटिक फ्रंट प्रत्येकी दोन मतदारसंघात पुढे आहे.
• NPP चे स्नियावभालंग धर यांनी काँग्रेसचे उमेदवार इमलांग लालू यांचा पराभव करत नार्टियांग जागा 2,123 मतांनी जिंकली
• पूर्व शिलाँगमध्ये NPP उमेदवार माझेल अम्पारीन लिंगडोह अवघ्या 3 मतांच्या फरकाने आघाडीवर असून काँग्रेसचे उमेदवार मॅन्युएल बडवार पिछाडीवर आहेत.
• सीएम कॉनरॅड संगमा यांची नॅशनल पीपल्स पार्टी आतापर्यंत एकूण 59 जागांपैकी 24 जागांवर आघाडीवर आहे. भाजप आणि काँग्रेस प्रत्येकी 5 जागांवर आघाडीवर आहेत.

• नॅशनल पीपल्स पार्टी आतापर्यंत एकूण 59 जागांपैकी 17 जागांवर आघाडीवर आहे.

• मुख्यमंत्री कॉनरॅड के संगमा दक्षिण तुरा मतदारसंघात 44 मतांनी आघाडीवर आहेत.
• सकाळी 10 पर्यंत EC च्या माहितीनुसार, नॅशनल पीपल्स पार्टी 11 जागांवर आघाडीवर आहे. युनायटेड डेमोक्रॅटिक पार्टी 4 जागांवर तर भाजप आणि कॉंग्रेस प्रत्येकी 3 जागांवर आघाडीवर आहे. ऑल इंडिया तृणमूल काँग्रेस 2 जागांवर आघाडीवर आहे.

• NPP 24 जागांवर आघाडीवर आहे. त्यानंतर भाजप आणि कॉंग्रेस प्रत्येकी 6 तर इतर 23 जागांवर आघाडीवर आहेत.
• कॉनरॅड संगमा यांची NPP 31 जागांवर आघाडीवर आहे. तर भाजप – 7 जागा आणि काँग्रेस – 3 जागांवर आहेत.
• गारो नॅशनल कौन्सिलचे निकमन मारक चोकपोट विधानसभा जागेवरून पुढे आहेत. सुरुवातीच्या ट्रेंडनुसार, टीएमसी 2 जागांवर आघाडीवर आहे.

• रोंगारा सिजू विधानसभा मतदारसंघात (दक्षिण गारो हिल्सखाली) TMC उमेदवार डॉ. राजेश एम मारक 155 मतांच्या फरकाने आघाडीवर असून एनपीपीचे उमेदवार रक्कम ए संगमा पिछाडीवर आहेत.

पुढारी ऑनलाईन: मेघालयमध्ये विधानसभा निवडणुकीची मतमोजणीला आज (दि.०२) होत आहे. ६० विधासभा मतदारसंघातील ५९ जागांसाठी मतदान झाले होते. मेघालयातील २१.६ लाख मतदारांपैकी ८५.२५ टक्के लोकांनी मतदानाचा हक्क बजावला होता.

मेघालयात 13 ठिकाणी (12 जिल्हा मुख्यालय आणि 1 उप विभाग) कडक सुरक्षेसह मतमोजणीला सुरूवात झाली आहे. पहिल्या फेरीत पोस्टल बॅलेट मतांची मोजणी सुरू आहे. या निवडणुकीत नॅशनल पीपल्स पार्टी (एनपीपी), कॉंग्रेस आणि भाजप यांच्यात स्पर्धा असणार आहे.