मनीष सिसोदिया यांना आणखी एक झटका, सर्वोच्च न्यायालयाने याचिका फेटाळली
पुढारी ऑनलाईन डेस्क : दिल्लीचे उपमुख्यमंत्री व आम आदमी पार्टीचे नेते मनीष सिसोदिया यांना आज सर्वोच्च न्यायालयाने झटका दिला. मद्य घोटाळाप्रकरणी सीबीआयने अटक केलेल्या कारवाईविरोधात त्यांनी दाखल केलेली याचिका सर्वोच्च न्यायालये फेटाळली असून, सिसोदिया यांनी उच्च न्यायालयात दाद मागावी, असे न्यायालयाने स्पष्ट केले आहे.
रविवार, २६ रोजी तब्बल आठ तासांच्या चौकशीनंतर केंद्रीय गुन्हे अन्वेशन (सीबीआय) विभागाने मनीष सिसोदिया यांना अटक केली होती. सोमवारी त्यांना सीबीआय विशेष न्यायालयात दाखल करण्यात आले. यावेळी त्यांना ४ मार्चपर्यंत सीबीआय कोठडी सुनावण्यात आली होती. अटकेच्या कारवाईविरोधात सिसोदिया यांनी सर्वोच्च न्यायालयात याचिका दाखल केली होती.
नायब राज्यपाल व्हीके सक्सेनांनी केली होती सीबीआय चौकशीची शिफारस
दिल्लीतील नवीन मद्य धोरणातील भ्रष्टाचार प्रकरणी जुलै २०२२ मध्ये दिल्लीचे नायब राज्यपाल व्हीके सक्सेना यांनी मनीष सिसोदिया यांच्या विरोधात सीबीआय चौकशीची शिफारस केली. सक्सेना यांनी सिसोदिया यांनी नियमांकडे दुर्लक्ष करून भ्रष्टाचार केल्याचा आरोप केला होता. यानंतर ईडी आणि सीबीआयने सिसोदियाविरुद्ध तपास सुरू केला होता.
हेही वाचा :
- राज्यपालांनी मागितलेल्या स्पष्टीकरणावर उत्तर देण्यास मुख्यमंत्री बांधील : पंजाब सरकार विरुद्ध राज्यपाल वादावर सर्वोच्च न्यायालयाची स्पष्टोक्ती
- बाल लैंगिक शोषण सामुग्री : मध्य प्रदेशातील ४००० संशयित पोलिसांच्या रडारवर | NCMEC CyberTipline
- Sachin Tendulkar’s Statue | मुंबईतील वानखेडे स्टेडियमवर सचिन तेंडुलकरचा पुतळा उभारणार : ‘एमसीए’ अध्यक्ष अमोल काळेंची माहिती