नववर्षात १० कोटींवर ५ जी फोनची विक्री होणार

नवी दिल्ली, वृत्तसंस्था : नव्या वर्षात ४ जीच्या तुलनेत ५ जी स्मार्टफोनची विक्री वाढेल, हे ठरल्यात जमा आहे. एप्रिल- जून तिमाहीत देशात १० कोटींहून जास्त ५ जी फोनची विक्री होईल, असे मानले जात आहे. काऊंटरपॉईंट या संस्थेच्या अहवालानुसार २०२३ अखेरीस ४ जीच्या तुलनेत ५ जी हँडसेटची जास्त विक्री होईल. दुसरीकडे टेलिकॉम कंपन्याही आपापले दर वाढवण्याची तयारी करत आहेत. नोव्हेंबर २०२२ मध्ये ५ जी सेवा सुरू झाल्यानंतर या अत्याधुनिक नेटवर्कचा विस्तार झपाट्याने सुरू आहे. लवकरच बाजारात आणखी स्वस्त ५ जी स्मार्टफोन उपलब्ध होतील.

५ जीत १.५ लाख कोटींची गुंतवणूक

•  रिलायन्सचे प्रमुख मुकेश अंबानी २०२३ दरम्यान ५ जी नेटवर्कवर १.१२ लाख कोटी खर्च करतील, अशी शक्यता आहे.
• भारती एअरटेलतर्फे २७-२८ हजार कोटींची गुंतवणूक शक्य आहे.
• टेलिकॉम कंपन्या ५ जी अपग्रेडेशन व ऑपरेटिंग कॉस्ट आटोक्यात आणण्यासाठी रिचार्जचे दर वाढवतील.
• भारती एअरटेलने हरियाणा व ओडिशात एन्ट्री लेव्हलच्या प्रीपेड प्लॅनचे दर ७५ टक्क्यांनी वाढवले आहेत.
• रिलायन्स जिओकडून टॅरिफमध्ये १० टक्क्यांनी वाढ शक्य आहे.

दहा हजारांत मिळणार ५ जी स्मार्टफोन

१० हजार रुपयांपर्यंत ५ जी स्मार्टफोन बाजारात उपलब्ध होईल. एकूण विक्रीत २० हजार रुपयांहून कमी किमतीच्या ५ जी स्मार्टफोनचा
वाटा ३१ टक्के असेल. नवीन वर्षात एकूण विक्रीत ५जी स्मार्टफोनचा वाटा ५४% असेल.