Amarinder Singh : कॅप्टननी मध्यात डाव सोडला! पंजाब सीएम अमरिंदर सिंग यांचा अखेर राजीनामा
चंदीगड; पुढारी ऑनलाईन : Amarinder Singh : पंजाब काँग्रेसचे मुख्यमंत्री कॅप्टन अमरिंदर सिंग यांनी दीर्घ गदारोळानंतर आपल्या पदाचा राजीनामा दिला आहे. संध्याकाळी 5 वाजता काँग्रेस विधिमंडळ पक्षाच्या बैठकीपूर्वी त्यांनी आपल्या जवळच्या आमदारांसोबत बैठकही घेतली आणि त्यानंतर राजभवनात जाऊन राज्यपालांकडे आपला राजीनामा सादर केला.
कॅप्टन अमरिंदर सिंग Amarinder Singh यांनी साडेचार वाजता राजभवन गाठले आणि राजीनामा दिला. कॅप्टन अमरिंदर सिंग यांनी संपूर्ण मंत्रिमंडळाचा राजीनामा राज्यपालांना सादर केला आहे. हे स्पष्ट आहे की आता काँग्रेसला नवीन मुख्यमंत्र्यांशिवाय संपूर्ण मंत्रिमंडळ निवडावे लागेल.
- Met Gala 2021 : मॅडोनाच्या लेकीने हात उंचावून दाखवले काखेतील केस ! महिलांना दिला कडक संदेश
- अमरिंदर सिंग- सिद्धू वाद ; काँग्रेसने बोलविली आज आमदारांची बैठक
जेव्हा कॅप्टन अमरिंदर सिंग राजीनामा देण्यासाठी राज्यपाल सभागृहात पोहोचले, तेव्हा त्यांच्या पत्नी प्रनीत कौरही त्यांच्यासोबत उपस्थित होत्या. काँग्रेस पक्षातील हा भूकंप अशा वेळी आला आहे जेव्हा काही महिन्यांनी राज्यात विधानसभा निवडणुका होणार आहेत.
अकाली दल आणि आम आदमी पार्टी काँग्रेसकडून सत्ता हिसकावण्याचा प्रयत्न करत आहे. राज्यातील विधानसभा निवडणुकीच्या अगोदरच पक्षात जो गोंधळ उडाला आहे, त्याची मोठी किंमत मोजावी लागू शकते.
- Maharashtra ATS ची मुंबईत मोठी कारवाई, जोगेश्वरीतून एक संशयित दहशतवादी ताब्यात
- पंजाब : कॅप्टन विरुद्ध क्रिकेटपटू
हे लक्षात घेण्यासारखे आहे की कॅप्टन अमरिंदर यांच्या कार्यशैलीवर नाराज झाल्यानंतर ४० आमदार आणि मंत्र्यांनी पक्ष हायकमांडकडे तक्रार केली. आमदार आणि मंत्र्यांनी सांगितले की, मुख्य कामासाठी मुख्यमंत्र्यांना भेटणे खूप कठीण आहे.
यापूर्वी, हरीश रावत यांनी शुक्रवारी ट्विट केले होते आणि म्हटले होते की, राज्यातील पक्षाच्या आमदारांनी पक्षाच्या हायकमांडला पत्र लिहून विधिमंडळ पक्षाची तातडीने बैठक घेण्याची मागणी केली आहे, त्या दृष्टीने ही बैठक 5 वाजता बोलवण्याचा निर्णय घेण्यात आला आहे.
हे ही वाचलं का?
- पॅन-आधार ‘या’ तारखेपर्यंत असे करा लिंक, नाहीतर होणार दंड
- Malaika Arora : मलायकाचा अर्जुनच्या हातात हात, शर्टचं बटण उघडं अन्…