Jammu and Kashmir : जम्मू-काश्मीरमध्ये सीलबंद पॅकेटमध्ये आढळल्या संशास्पद गोष्टी; घातपात घडवण्याचा पाकचा कट?
पुढारी ऑनलाईन : जम्मू-काश्मीरमधील सांबा जिल्ह्यात सीलबंद संशयास्पद पॅकेट सापडल्याने खळबळ उडाली. विजयपूरमधील एका शेतात हे संशयास्पद पॅकेट सापडले आहे. यानंतर स्थानिक पोलिसांनी बॉम्ब निकामी पथकाला घटनास्थळी पाचारण केले. हे पॅकेट उघडल्यानंतर त्यामध्ये धक्कादायक गोष्टी असल्याचे समोर आले आहे. हा पाकिस्तानचा घातपात घडवण्याचा डाव असल्याचा संशयही पोलिसांनी यावेळी व्यक्त केला आहे.
J&K | Police team from Vijaypur Police Station recovered one suspicious sealed packet today in the field near Chhani Manhasan in Samba, following reliable inputs. The spot is undisturbed and intact: Additional SP Surinder Chaudhary pic.twitter.com/g4QXztgpws
— ANI (@ANI) November 24, 2022
संशयास्पद असलेले हे सीलबंद पॅकेट उघडल्यानंतर यामध्ये भारतीय चलनातील ५ लाख रुपये, २ चायनीज पिस्तूल, 4 मॅगझिन्स, ६० बंदुकीतील गोळ्या, डिटोनेटर आणि २ आईडी असे साहित्य सापडल्याची माहिती सांबाचे पोलिस अधिकारी अभिषेक महाजन यांनी दिली आहे. हे सीलबंद पॅकेट ड्रोनमधून टाकण्यात आले असल्याची शक्यताही वर्तवली आहे. पोलीस या प्रकरणाचा पुढील तपास करत असल्याचेही महाजन सांगितले आहे.
We called Bomb Disposal Squad at the spot. When packet was opened, around Rs 5 Lakhs cash in Indian currency, 2 Chinese pistols, 4 magazines, around 60 rounds of bullets, detonator & 2 IEDs were found. We’ve initiated further action: SSP Samba Abhishek Mahajan#JammuAndKashmir pic.twitter.com/UtVrx57HwK
— ANI (@ANI) November 24, 2022
अतिरिक्त एसपी सुरिंदर चौधरी यांनी सांगितले की, विजयपूरमधील सावंखा मोरपासून काही अंतरावर एका शेतात एक पॅकेट सापडल्याची माहिती सूत्रांना मिळाली होती. घटनास्थळी पाकीट उघडले असता त्यामध्ये धक्कादायक वस्तू आढळून आल्या आहेत. आजूबाजूच्या परिसरात शोधमोहीम सुरू करण्यात आली आहे. पोलीस या प्रकरणाचा तपास करत आहेत, असेही ते म्हणाले.
याआधी बुधवारी जम्मू-काश्मीर पोलिसांच्या स्पेशल ऑपरेशन ग्रुपने (एसओजी) आंतरराष्ट्रीय सीमेवरील अनेक गावांमध्ये शोधमोहीम राबवली. सीमेपलीकडून नुकत्याच झालेल्या घुसखोरीच्या प्रयत्नानंतर एसओजी, केंद्रीय राखीव पोलीस दलाने सीमा भागात जवळपास तीन तासांची शोध मोहीम सुरू केली असल्याचेही त्यांनी म्हटले आहे.